Jisálamu 91:16 - O Mikanda Ikola

¹⁶ U laia izuua iavulu, i ngi mu bhana, vondadi i mu bhua; eme ngende ni ku mu idikiza ki kala o ubhulukilu uami.

Jisálamu 91:16 ပူးပေါင်းရင်းမြစ်များ

Dimatekenu 25:8

Mbalahamu anga u batula muenhu, ufua kiá ku uadiakimi uavulu, ua kuka kiá, ua kukidila muene, mivu ia mu kumu; anga a mu bhongoluela ku malembʼê.

Jobe 5:26

O mu mbila ua kà bokona-mu kiá ua kuka muene, mukuâ ni kiene kumuna o kita kia tiliku bhu thembu iê.

Jisálamu 16:11

Eie u ngʼidikiza njila i bheka kuala muenhu, kuala kusanguluka kua mbote bhu pholo ié; o ku lukuaku lué lua kúdia sai-ku ima ia vondadi ki i kumu dingi.

Jisálamu 21:4

Muene ua ku bhingi muenhu, eie ua mu bhana-u; ni kuvula izuua, iiza jinga ngó katé ku hádia ni hádia.

Jisálamu 50:23

Uoso u ngi satela sata ia kusakidila, muene muthu ua ngi bhange ujitu; uoso ue u iukisa uendelu uê, muene ngi mu idikiza o ubhulukilu ua Nzambi.

Jisabhu 10:27

Uoma ua Jihova uia ni kubandekeza ku izuua; maji o mivu-phe ia akua phulu a ká i lengululuisa.

Jisabhu 22:4

O kuditolesa ni kuxila Jihova, futu iâ jimbongo, ni kijingo, ni muenhu.

Jisabhu 3:16

Ku lukuaku luê lua kadilu kuala dibandekezu dia izuua, o ku lukuaku luê lua kiasu maunvama ni kijingu.

Jisabhu 3:2

Kuma iene ia-nda ku ku vudisa o izuua ié; i ku bandekezela mivu ia muenhu ni kutululuka.

Izaía 45:17

Maji Izalaiele u bhulukila kua Jihova, ni ubhulukilu unangenena sé dizubhilu; o mu kienhiki katé ku hádia ni hádia sonhi ki ji tena ku mi kuata, ki mu tena kukakuka.

Luka 2:30

Kuma mesu mami ma mono kiá o ubhulukilu ué,

Luka 3:6

Xitu ioso anga i mona o kubhuluka kua Nzambi.

Matendelelu 6:2

Mbé u kuate kuxila Jihova Nzambi ié, ni kualuka o jingonge ni ijiia iê ioso, i ngala ku ku tendelela, eie, ni monʼé ni mululu ni mulaulʼé, izuua ié ioso i ukala ni muenhu; o mu ku ki bhanga-phe ua kà laia izuua iavulu.