Jisálamu 91:1 - O Mikanda Ikola

¹ Ió ua tunga mu kibúta kia kondama kia Suke-ku, iú ua xikama mu kilembeketa kia Muteni-a-ioso,

Jisálamu 91:1 ပူးပေါင်းရင်းမြစ်များ

Jisálamu 121:5

Jihova muene uene mu ku ku langa jinga; Jihova muene ua di bhanga kilembeketa kié, ua ku imanena ku mbandu ia madilu.

Jisálamu 17:8

Ngi xitile, Ngana, kala ngi mona diesu; ngi sueke moxi a mabhabha mé,

Jisálamu 25:13

Muthu u kala kiki u tunga bhua tululuka; mbutu iê ia vuala iene i lundula ixi.

Jisálamu 27:5

Kuma bhu kithangana kia jingongo, muene u ngi bhaka mu kitelembe kiê, u ngi sueka muene kididi kia kondama mu balaka iê; u ngi tudika ditala dialebha kuthandu a matadi.

Jisálamu 31:20

Kuma hinu eie u a sueka kididi kiakondama, bhu mbandu ia kinama kié, mukua kukanena phulu ka a mono dingi; eie u a bhaka muene mu balaka ié, kevu dingi jimvunda ja kutangelela.

Jisálamu 32:7

Kuma uoso ua kondamena ko kué, eie u mu bhaka kididi; ka mu tatesa dingi, maji u kala mu kuimba, mu kusangulukila o ubhulukilu ué. (Selah.)

Jisálamu 36:7

O kulenduka kué, Ngana Nzambi, kuzediua kua nzungule! Anʼathu kiene ki ene mu lengela moxi a mabhabha mé!

Jisálamu 52:8

Eme bhabha-phe, ngi kula mukuâ ni muxi ua mudiva uauisu, ua buingita mʼonzo ia Nzambi; ngi dielela jinga mu kulenduka kua Nzambi, mu mivu ni mivu ki i moneka dizubhilu.

Jisálamu 57:1

Ngi kuatele henda, Ngana Nzambi, ngi kuatele henda; mukonda o muenhu uami ua suamena ko kué; kiene muene, eme ngi di kondela mu kilembeketa kia mabhabha mé; katé ki zubha kubhita o mavuua osoʼá.

Jisálamu 90:1

Ngana, eie u kibuta kietu, kutunda muiji kuiza muiji.

Mukumbi ua Mikumbi 2:3

Mukuá ni muxi ua masá mu kaẋi ka mixi ia ditutu, kiene ue kazola kami mu kaẋi ka minzangala ia mala; kizúzumbia kié ngi kinda kiavulu, mu kilembeketa kié muene mu ngi xikama; o kibundu kié mu kanu diami ku ngi toualela kuahi!

Izaía 25:4

Mbata ua di bhange u kimbaka phala ngadiama ni ió ua tate mu lamba diê; u Dilengelu kiza o kibhungu; u Kilembeketa bhu thembu ia kizuza; kuma o muha ua isueia mukuâ ni kibhungu, ki ki di zubila ku kimbaka.

Izaía 32:2

Dikuenze muenhó ua kà kala disuamenu kiza o kitembu, dilengelu kiza o kalêmba, mukua ni jingiji ja menha mu mikáu ia kukuta, uila ue kala kilembeketa kia ditadi dionéne mu ixi ia kikáku, mua kambe o menha.

Izaía 8:14

Bheneʼobho-phe muene ua-nda ku di-bhanga dibhezelu dienu di kôla; maji ua kà di bhanga ditadi dia kidibhukanu, ndanji ia iẋanju ku mabhata maiadi ma Izalaiele; ua kà kituka mubhetu ni múkala phala iá a tungu mu Jeluzaleme.

Kuditenda 4:20

O na tudilu dia kubhuima kuetu a tu ûndila-nê kua Jihova, a mu kuatela mu madiela mâ; o muene-phe, muene tua mu edile, tuixi; né kiá ki tu bhinga ku xalela muʼaxaxe ka akua jixi, tua kà kala mu kilembeketa kia muene.

Izekiiele 11:16

Uila kiki, zuela: Jihova, o Ngana, uambe kiki: Sumbale nga a takuila makanga mu ifuẋi; sumbala nga a muangena mu jixi, maji né kienhókio, hanji nga-nda ku di-bhanga ngi dibhezelu diâ, mu kakithangana kòfele ku jixi kuoso kua di tela.

Afundixi 9:15

Kuala musonge: Se kidi kiene mu ngʼunda eme mu kala sobha ienu, izenu mu di kondele mu kilembeketa kiami; o ki mu ila kana, ku musônge ku tunde túbhia tu buidise ni misedulu ia muxitu ua Libanu.