Jisálamu 90:13 - O Mikanda Ikola

¹³ Jihova tata, bhomba o muẋima ué! Mbambe bhebhi bhu u suka, ni kukokoloka kiki? U xinganeke jiselevende jé ku a kuatela henda.

Jisálamu 90:13 ပူးပေါင်းရင်းမြစ်များ

Jisálamu 106:45

U xinganeka o kikutu kiê, hé u diela mukonda dia jihenda jê javulu.

Jisálamu 135:14

Kuma Jihova muene u fundisa o mundu uê; né ua luualela o selevende jê, u bhomba dingi o muẋima uê.

Jisálamu 6:5

Kuma mu kúfua ki muala dingi ku ku xinganeka; kuʼalunga, nanhi dingi u tena ku ku sakidila?

Jisálamu 74:10

Mbambe, bhebhi, Ngana Nzambi ni ku tu sebulula kiki kuala o nguma? Mbé o nguma kífua u ẋonguena o dijina dié sé dizubhilu?

Jisálamu 80:14

U Jihova dia ituxi, tu bhane dingi o pholo ié, tua ku diondo; ku diudlu ku uala, zongola bhoxi, u tale; tambula dingi konda ia muvide uenhú.

Jisálamu 80:15

Kixina kia muvide u ua phaphe ni lukuaku lué lua kúdia, ni thangu jê ji ua sase katé ki ja kolo.

Jisálamu 89:46

Jihova, tata, u suka bhebhi ni ku di sueka kiki? katé ku hádia ni hádia? o njinda ié ia uama kala túbhia, kífua ki tuà jima dingi?

Makatukilu 32:12

Phalahi akua Ijitu enda ni kuila, exi: Muene ua a katula phala ku a bhanga kiaiibha, mbé ku a jibhila mu milundu, ni ku a jimisa o mbutu mu ngongo? Bhomba muxima, u bateke njinda ié ia uama, u diele ku kaxtiku koso ku uambe kubhana o mundu ué.

Makatukilu 32:14

Jihova anga u diela ku kaxtiku koso kambe kubhana mundu uê.

Izaía 63:17

O kiki-phe, Jihova ua tu luezesa kiebhi o kuenda mu jinjila jé? o muẋima uala ku tu kolesa-u kiebhi, phala tu lémbue ku ku xila? Mu henda ia selevende jé, vutukisa o miji ia undundu ué.

Jelemiia 12:15

Anga kia kà bhita, kuila ki nga kà zubha ku a vuza kiá, ngi vutukila-ku anga nga a lendukila hé nga vutula dingi, muthu ni muthu ku ubhinganu uê, muthu ni muthu kʼoxi iê.

Hozeia 11:8

O kiki-phe eie Ifalaíme, ngi kuehelela kiebhi? Ngi ku bhakula kiebhi, eie Izalaiele, tata! Ngi ku bhanga kiebhi kala kia bhiti kua Adama, mba ngi ku kitula kiebhi kala Nzeboíme? Muẋima uami moxi ki u xikina, o henda jami ja bambuka kala túbhia.

Amoji 7:3

Bheneʼobho Jihova u diela anga uamba, uixi: Ki kia-nda kubhita.

Amoji 7:6

Jihova anga u ki diela ue kienhiki. Jihova Nzambi anga u zuela uixi: Kiki ue ki kia-nda kubhita.

Jona 3:9

Nanhi ua kʼijiia, se Nzambi u lunguluka, hé u diela ku ioso ia mesena ku tu bhanga, anga u sondolola kutema kua njinda iê, phala ki tu jime mbutu?

Zakadiia 1:16

Kala kiki, Jihova uambe, uixi: Jeluzaleme nga mu lungulukila dingi ni jihenda; o inzu iami a kà i tunga dingi muenhomo, o kuthandu dia Jeluzaleme à ka zeleka-ku kamukolo, kiene kia tange Jihova dia Ilombo Ieta.

Dialuilu 10:36

O kia i tula, uila uixi: Vutuka, u Jihova, u tunge ni jimidi ni makuinhi a jimidi ja Izalaiele.

Matendelelu 32:36

Mbata Jihova ua-nda kubatuila o povo iê kiaiuka, Jiselevende jê u a kuatela henda. Kia mona kuila abhânge, alémbua, ki bhua subhuka muthu, né fôlo.