Jisálamu 90:12 - O Mikanda Ikola

¹² Tu longe, Ngana, kukuata o konda ia izuua ietu, phala ku muẋima tu kale ni kilunji.

Jisálamu 90:12 ပူးပေါင်းရင်းမြစ်များ

Jobe 28:28

Iú uambela o muthu, uixi: Talesa-ze! O uoma ua Nzambi, uene o unjimu; o kueha kia ibha, kuene o kuijiia.

Jisálamu 39:4

Ngi londekeze, Ngana, bhu mbámbe bhu nga kà suka; ni konda ia izuua iami se ikala ikuẋi? Mbé ngʼijiie kithangana kioso ki ua ngi bhana, kuma ki ngi kima!

Jisálamu 39:5

Talesa izuua iami mu ku i zonga, kala ki ua i xindi eie, kànda dia lukuaku diia-bhu ngó luofele; o kithangana kia muenhu uami, ku mesu mé ki kima, kuma ni kidi muene, muthu kingoho né uadisanze, kene kunanga. (Selah.)

Jisabhu 16:16

Kota ku di longa o unjimu, dikue kufuna o ulu; o kudilonga ue kilunji kota, phalata ndenge.

Jisabhu 22:17

Bheteka mátui mê uividile o uanji ua jingambi, o muẋima uê-phe jikula-u u di longe unjimu.

Jisabhu 23:12

Muẋima ué u kaiele kioso kia ku longa, o mátui mé lungisa-nâ ku makʼa unjimu.

Jisabhu 23:23

Sumba o kidi, kana ku ki sumbisa; inda uila ni unjimu, ni ku di kondeka eʼmuene kiambote, hé u ta-ku ni masunga.

Jisabhu 4:5

Sota unjimu, sota ku tongoloka, o maka-phe ma tunda mu kanu diami ku a jimbe mba u a ta dikunda.

Jisabhu 4:7

Kima kiala kota ku muenhu ua muthu o unjimu; sota-phe o unjimu ni kutongoloka; ima ioso i uavu bhana-iu muene mu kusota unjimu.

Ndongixi 7:2

O kuia mʼonzo ia thambi kota, kuindi mʼonzo muala o fesa; mukonda o momo athu muene mua muena o dizubhilu diâ; athuʼoso a muenhu a ki ta muene ku miẋima iâ.

Ndongixi 9:10

Kioso kia kuiza bhu maku phala ku ki bhanga, bhanga-kiu muene katé bhuoso bhua suku o nguzu ié, mukonda o mu mbila mu ua-nda kuia, kana-mu dingi kikalakalu, mba ufunu, mba uhete, mba kuijiia kuoso-kuoso.

Nzuá 9:4

Kioso ki kuala hanji muanha, kia ngi bhingi kubhanga o ikalakalu ia ió ua ngi tumu. Mukonda usuku iú uiza, mua bhingi kana muthu utena kukalakala-mu.

Matendelelu 32:29

Tamanu atetulukile! anga a tongolola, eji kuijiia o dizubhilu diâ!