Jisálamu 90:10 - O Mikanda Ikola

¹⁰ Izuua ia mivu ietu makuinhi sambuadi, amoxi kia kala ni nguzu, a bhiẋilu bhu makuinhi nake; hanji-phe kujiza kuâ kua hadi ngó ni mukondo; ki i nange kubhita, kindala tu tuka!

Jisálamu 90:10 ပူးပေါင်းရင်းမြစ်များ

Dimatekenu 47:9

Jakobo u ambela Falaó, uixi: Izuua ia mivu ia inhunginu iami, hama ia muvu ni makuinhi atatu; ia tolo, o iene ue ia hadi o izuua ia mivu ia muenhu uami, bhua sukile o mivu ia jitata jetu mu inhunginu iâ eme ki ngà bhiẋila-bhu.

Dimatekenu 6:3

Ngana anga uamba, uixi: Nzumbi iami ki i kuata kubhanga jinga ni muthu, ki ki kale se dizubhilu, kuma muene ue xitu; izuua iê-phe a i fikisa mu hama ia muvu ni makuinhi aiadi.

II Samuuele 19:35

Leluʼidi ngala kiá mu makuinʼake a mivu, kifua ngi tena dingi kutungula kiauabha ni kiaiibha? Ki ngalʼiki, ngi mubhikʼé, ua fika kifua ngala kuívua dingi o kutouala kioso ki ngi dia mba kioso ki ngi nua? Kifua ngi tena dingi kuívua kiambote, o mázui ma jingimba ja mala ni jingimba ja ahatu? Ngi mubhikʼé, ngi di bhangela-hi ngó kimbamba kia ku ku nemena, kùku, ngana iami?

II Samuuele 19:36

Eme ngʼinda ngó ngi ku xinjikila mu zaúka Njolodá, ngi mubhikʼé, kùku, u ngi vutuilahi kisakidilu kia soko kala kiki?

I Jisobha 1:1

Kiki kuila sobha Davidi ua kuka kiá, ua bhange kiá mivu iavulu, uabokona kiá mu izuua iê iasukidila-ku, ela a mu futa mavunga, maji-phe mu mukutu uê ki mu xikina kuiza munza, lémbué!

Jobe 14:10

Maji-phe, muthu ki a fua, anga u diua kiá muene … xi! muthu kuila ua tula muenhu, abha-phe u kala dingi kuebhi?

Jobe 20:8

Ua kà tuka, mukuâ ni nzoji, ka kà mu mona dingi; a kà mu lengesa kala kisukila kia usuku.

Jobe 24:24

A a zangeleka muene mu ka kithangana kòfele; anga a bhita kiua kala kia muia ene oso; a a batula kala mítue ia masa.

Jobe 5:7

Maji ku muthu kuene ku tunda o ituxi, kala o jisoso ja túbhia ki ji tunda bhu jiko phala kutuka, ni kuia bhulu.

Jisálamu 78:39

Ua lembalala kuma ene ala ngó xitu ia hatu; mulenge u bhita, uia, ki uiza dingi.

Izaía 38:12

O thembu iami ia kulaia ia ngi bhu, a ngi sondolola-iu muene mukuâ ni kia sondolola o muionga ua kafunga. O muenhu uami nga u batula kala mutungi-a-thanga kia batula o lungoji lua fio iê; muene u ngi batula mukuâ ni ua ngi batula ku mulongo ua thanga; uandekela mu kimene, o kutula mu ngoloxi ua ngi zubha.

Ijila 27:7

O kia kala-phe muthu uakuka kiá, tunde ku makuinhi asamanu a mivu katé kiá ku ukulakaji, diiala mu xindile suilu iê mu kuinhi niʼtanu dia ʼxikulu, muhatu-phe dikuinhi dia ʼxikulu, toka.

Luka 12:20

Nzambi-phe ua mu ambela, uixi: U kiôua! Usuku ua lelu, a-ndu ku bhinga kiá o muenhu ué! O ima ioso-phe i ua lunduʼíi, ia-ndu kala ia nanhi?

Matendelelu 34:7

Mozé ua fuila mu kitala kia hama ia mivu ni makuinhi aiadi; mesu mê hanji akexe kumona muene kiambote, hanji akexe ni nguzu iê.

Tiiaku 4:14

Sumbala anuenu kioso kʼiza-ku mungu ku mienhu ienu, ki mua kʼijiia! Mukonda o muenhu uenu ua soko kiebi? Muala mu mbundu, i moneka ngó kathangana kofèle, kindala-phe ia jimuka ku mesu!

Josuué 14:11

Nguzu iami-phe hanji ii-ié muene kala mu kizuua kienhókio kia ngi katula Mozé; kioso kia kexile nguzu iami mu kizuuʼokio, ni kiki kiene hanji ki iala, ni ia kúlua ita ni ia kutunda ni kubokona.