Jisálamu 89:5 - O Mikanda Ikola

⁵ Eie, u Jihova, ni kilômbo kia diulu kia kà ximana o madiuanu mé; o ufiiele ué a kà u tumbula bhu kionge kia athu aiuka.

Jisálamu 89:5 ပူးပေါင်းရင်းမြစ်များ

I Malunda 17:11

Hé kia kà kala-phe kuma, kioso kià katenena o izuua ié, phala kuia kuaia atatʼenu, nga kà ku balumuina o mbutu ié ni i ku bhingana, kifua kia kà kala muene muthu ku anʼé, eme anga nga kà kuatesa o kiandu kia utuminu uê.

I Malunda 17:12

Iú-phe muene ua kà ngi tungila o inzo; eme ue nga kà kuatesa o kiandu kiê, katé ku hádia hádia.

Jobe 5:1

Kindala-phe ixana hanji; bhuala muthu u kuitaia? O kiki-phe kua anju nanhi, ku ua-nda ku bilukila?

Jisálamu 132:11

Jihova ua te ni Davidi, kikutu kia mulôko, ka ẋikina dingi kualuluka; kuma uambe, uixi; Mona u tunda ku mukutu ué muene u ku bhingana bhu kiandu.

Jisálamu 19:1

Maúlu ma tumbula o fuma ia Nzambi; o mu dinga ni dinga mua dʼidikiza o ufunu ua maku mê.

Jisálamu 50:6

Kiókole ku diulu o kutetuluka kuê; kuma Nzambi muène, muene u kala mufúndixi. (Selah.)

Jisálamu 61:8

Kienhiki ki ngi bhangesa kuila ngi ximana jinga o dijina dié, ngi kumbidila jinga izuua ioso o jipolomesa jami.

Jisálamu 89:30

O anʼê kia kamba kukuata o ngonge iami, se nguauâ kuenda kala ki nga tumu;

Jisálamu 89:37

Kià kala muene katé ku hádia, mukuâ ni ki nangenena o mbeje, mbangiʼoio ia fiiele mu dinga ni dinga. (Selah.)

Jisálamu 89:7

Nzambi ukôla, mu kionge kiê kia ji-anjo! Munéne! U kuata uôma! Ene oso a mu kondoloka mu mbèle iê, a mu xila kiavulu!

Jisálamu 97:6

Maúlu ma kola kutetuluka kuê, o ifuẋi ioso ia mono o kubenha kuê.

Izaía 44:23

Enu, maúlu, imbenu ni ngalasa, mbata Jihova muene ua bhange kiki; tanenu-ku, enu mu ididi ia boloka, enu mu milundu te-nu nzongo ia kusanguluka; nʼenu ue mu mixitu, ni mixi ioso iene-mu; mbata Jihova ua kula Jakobo iú ua tambula fuma mu Izalaiele.

Izaía 9:6

Kuma a tu vualela mona, a tu bhana mona ua diiala; o kutumina a mu tuika-ku bhu isuxi iê, o dijina diê a kà mu luka: Kidiuanau, Ndongixi, Nzambi ia Nguzu, Tata Inangenena, Kilamba kia Paze.

Daniiele 7:10

Bhu pholo iê bhu kunguluka ngiji ia túbhia. Jimidi ja jimidi ja kuata ku mu xibhidila, jifuku ni jifuku jemana bhu pholo iê. Kufundisa kueza-bhu, madivulu a ma jikula.

Efezo 3:10

Phala o kiki, atumini ni a-kutende ku ididi ia diulu a ki muena ku Ngeleja, kioso ki enda o unjimu ua Nzambi ua vula matelu.

Matendelelu 33:2

Uixi: Jihova uatulukila ku Sinai, iú ua bandela ku Seíle; ua lekujukila ni ku mulundu ua Palane, ueza ni kuinhi dia midi dia jisandu ku madilu mê kua kexile o kitumu kiauama túbhia phala ene!

II Tesalonika 1:7

Hé enu-phe mua tale hadi, u mi bhana kunhoha, kumoxi ni etu, tua tale hadi, bhuoso bhua kà tukulukila Ngana Jezú ku diulu ni ji-anju jê ja nguzu.

I Phetele 1:12

Kioso o Jipolofeta ki ja zuela jinga ku mbandu ia kidi ki mua mu kuivua lelu, Ngana Nzambi ua a jingunuine kuila o kikalakalu kia kexi mù bhanga o misesedi ki phala mbote iâ ene, maji phala mbote ineuʼenu. O akunji a Jingolokela Jambote, a zuela jinga mu kutena kua Nzumbi Ikôla ió a mu katula ku diulu, ene a mi tangela o kidi kia ima ienʼiii. O ima ienʼiii ni ji-anju jʼendile ku i tongolola kiambote.