Jisálamu 89:45 - O Mikanda Ikola

⁴⁵ O izuua iê ia unzangala ua i selula; ua mu kuatesa jisonhi, ua sebuka ni muene! (Selah.)

Jisálamu 89:45 ပူးပေါင်းရင်းမြစ်များ

II Malunda 10:19

Kienʼiki anʼa Izalaiele kia salumukina inzu ia Davidi, katé mu kizuua kia lelu.

Jisálamu 102:23

Nzambi ua ngi sosolola nguzu iami mu njila mu ngejila; o izuua iami ua i selula, ki ia-nda kutena dingi.

Jisálamu 109:29

Ene oso a ngi balukilʼó, a zuate kujingunuka, jisonhi jâ ji a vungine kala dibeka dia di futu.

Jisálamu 44:15

Izuua ioso usébhue uami ua ngi naminina, jisonhi ja ngi vungu katé mu inama.

Jisálamu 71:13

Enhó a kakule, Ngana, a buidise muene, oso ala ku ngi séia o muenhu uami a sebuluke, a jingunuke, ezale ni jisonhi, oso a mesena ku ngi bhanga o phulu.

Izaía 63:18

O povo ié iangene, o undundu ué a u vuile ngó kathangana kôfele; jinguma jetu a titidila kididi kia dibhezelu dié.

Kuditenda 2:1

Kuahi ngó o kutema kua Jihova, kua bhingi mu njinda iê monʼa kilumba ua Zione ua mu vungina kiki mu ifuke! Kijingu kia Izalaiele, kia suile o mbambe ni diulu, kiki-phe Jihova ua ki zubila bhoxi; kizuua kia mu kuata o kutema, ka lembalala dingi o mbenza ia kutula o inama iâ.

Mikeia 7:10

O kienhiki nguma iami ia muhatu anga ua kà ki mona, jisonhi anga ja kà mu kuata muene. Kuma uene mu ku ngʼibhula, uixi: O Jihova, Nzambi ié, uala kuebhi? Mesu mami-phe ma kà mu mona ia a mu diota-diota kala malôua mu nzunga.