Jisálamu 89:38 - O Mikanda Ikola

³⁸ Maji eie Ngana ua tu ehelela, ua tu senge, o muthu uê ua mu undu ni maji ua di zangala-nê.

Jisálamu 89:38 ပူးပေါင်းရင်းမြစ်များ

II Samuuele 1:21

Enu milundu ia Jiliboua! ki ku laukile dimume ku thandu dienu, ku thandu dienu ki kuaʼà noke mvula, ki ku kale mábhia ma bhana maujitu kua Jihova! Kuma ngubu ia dizonda kuenhoko kua i texi ufusa, o ngubu ia Saúlo, kala ua kambele ku mu unda ni maji!

II Samuuele 15:26

Maji Nzambi phe kia kèla kuma eie ku ngi uabhela dingi, kuabhu tata, eme-ami-iú, a ngi bhange kioso kia mono kia mu uabhela muene.

I Malunda 28:9

Anga uambela Solomá, uixi: Eie-phe monʼ ami Solomá, o Nzambi ia tatʼ enu ua mu ijiia, mu bheze ni muẋima uaiuka, ni vondadi iê ioso. Kuma o Jihova mixima ioso uene ku i solokota, o mabanzelu moso ma ixinganeku ua mʼejiia. Eie se u mu sota, uanda ku mu sanga; maji o ki u mu xisa-phe, Muène ue u ku dituna katé ku hadia.

Jisálamu 106:40

Kia bhangesa o njinda ia Jihova kuuama kala túbhia, kia tala ku povo iê; ni undundu uê ua mu kuata fokoso.

Jisálamu 60:1

Ngana Nzambi, eie ua tu ambudisa, ua tu muange; eie ua tu luualela, tua diondo tu kudile!

Jisálamu 60:10

Kifua kʼeie muène, ua tu ambudisa, Ngana Nzambi? Kʼeie-muène Ngana Nzambi, ua mu fula kiá kubheka o ifuẋi ietu ku ita?

Jisálamu 77:7

Manhi Ngana ua tu texila-ku kiá? Mbé ka xikina dingi ku mu bhomba?

Jisálamu 78:59

Nzambi kia kʼivu, njinda ia mu kuata, Izalaiele anga u mu iibhila kiavulu muene.

Jisálamu 84:9

Talesa-ze, Nzambi u ngubu ietu, tu tale Ngana! Mesu mé a kale jinge mu tala o pholo ia muthu ué ua mu undu ni maji.

Jisálamu 89:51

Eie muene u Jihova, a ku te mondo, Kuma muthu ué ua mu undu ni maji uala kubonga malebhu.

Jelemiia 12:1

Eie, U Jihova, u lungʼé, né-mbe ngedile ngi bokona nʼeie mu kufunda; hanji-phe u ngi zuelesa ku mabatuilu Phalahi isuéia a kala ni kubhanduluka mu njila iâ, anga a laia ni kutululuka, ió oso a bhanga kiaiibha ni usuangi?

Kuditenda 2:7

Jihova kalatódio kê ua ka ẋimbuka, o dibhezelu diê dia mu kumu; imbaka ia fikidila mazêmba mê ua i bhakula bhu lukuaku lua isuéia; abhangela jibuia mʼonzo ia Jihova, kala kiene kubhita mu kizuua kia kionge kia fesa.

Kuditenda 4:20

O na tudilu dia kubhuima kuetu a tu ûndila-nê kua Jihova, a mu kuatela mu madiela mâ; o muene-phe, muene tua mu edile, tuixi; né kiá ki tu bhinga ku xalela muʼaxaxe ka akua jixi, tua kà kala mu kilembeketa kia muene.

Hozeia 9:17

Nzambi iami ua-nda ku a ta kiá dikunda, mukonda ene ka mu xikina ku mu ivua kia zuela. A kʼenda ni kutakujuka ngó muʼaxaxe ka akua jixi jengi.

Zakadiia 11:8

Anga ngi jimisa o abidi ene oso kitatu mu mbeji imoxi, kuma o muenhu uami ua bhondalala mukonda dia ene, o ene uâ eme a ngi kumine kiá ku mienhu iâ.

Zakadiia 13:7

Eie xibhata, balumuka u bilukile o Mubidi uami, ni muthu ió ngene-nê kumoxi, mukua kisoko kiami, Jihova dia Ifuẋi ua-lu zuela, uixi: Mubidi mu kuame, nda o jimbudi ji muangane; maji lukuaku luami lua kà lungulukila katé ni ku jindenge.

Matendelelu 32:19

Jihova phe, kia ki mono, ua ehelela bhobho! Mbata azange, a mu lokalala! A mu zokesa ni anʼê a mala ni a ahatu!