Jisálamu 89:3 - O Mikanda Ikola

³ Uixi: Nga te kikutu ni muthu uami nga mu solo, selevende iami Davidi nga mu lokela.

Jisálamu 89:3 ပူးပေါင်းရင်းမြစ်များ

II Samuuele 23:5

Dibhata diami manhi ki kiene ki dia tungiua ku mesu ma Nzambi? Kuma ua te ni eme kikutu ki nangenena, kia jimbuluka mu ima ioso, kiókondeke; ioso ia kubhanduluka kuami, ioso ia mbote i ngʼinda, manhi ki muene u i buingitisa?

II Samuuele 3:9

Nzambi a ngi bhange-kiu, eme ngi Abinele, a ngi tele-ko dingina, se kia lokela Jihova kua Davidi eme ngi kamba ku ki kumbidila,

I Jisobha 8:16

Tunde kizuua ki nga katula o kifuxi kiami kia Izalaiele mu Ijito, ki nga solo sanzala iengi mu miji ioso ia Izalaiele, ni ngi tunge-mu inzo mu ngi tumbika o dijina diami; maji nga solo-phe Davidi, nda a tumine o kifuxi kiami kia Izalaiele.

Jisálamu 132:11

Jihova ua te ni Davidi, kikutu kia mulôko, ka ẋikina dingi kualuluka; kuma uambe, uixi; Mona u tunda ku mukutu ué muene u ku bhingana bhu kiandu.

Jisálamu 78:70

U sola ue Davidi mù kala selevende iê, ua mu katula mu kuinga jimbudi.

Jisálamu 89:19

Sai bhu ua zuela mu kisukila ni muthu ua kazola ké, uixi: sai kilolo nga mu tuika o uzonda ua kubhângela; sai dikuenze nga mu tungula mu kaẋi ka mundu.

Jisálamu 89:28

Jihenda jami ngi mu bhakela-ju sé kizuua kia kufula.

Jisálamu 89:39

O Kikutu ki uate ni selevende iê kiedi kala kia ku kumu; kitundu kiê ua ki fukula, ni ku ki takuila mu mavu.

Izaía 42:1

Talesenu, selevende iami iú, nga mu fikidila eme, muthu uami nga mu solo, ua ngi uabhela ku muẋima; Nzumbi iami nga i te ku thandu diê; muene ua kà fundisa mu kidi akua matumbu.

Izaía 55:3

Bhetekenu o mátui menu, nda mu ize kokuami; ividilenu, muenhu uenu ubhuluke; kuma nga-nda kuta nʼenu kikutu kixalela-ku, hé ngi mi bhana jimbote ja Davidi ki jene kufula.

Jelemiia 30:9

maji a kà bhikila Jihova, Nzambi iâ, ni Davidi, sobha iâ, nga-nda ku a balumuina-nê.

Hozeia 3:5

O ku hádia-phe anʼa Izalaiele hinu a kà vutuka dingi, anga a kà sota Jihova Nzambi iâ, ni Davidi, sobha iâ; anga ni kuteketa a kà sota ku xila jinga Jihova ni mbote iê, mu izuua i sukidilaku.

Matesu 3:17

Tala, bhenhobho ni dízui di tunda mu diulu, dixi: Muenhú Monʼ ami a kazola, ua ngi uabhela kiambote.

Jipoxolo 2:30

Muène-phe kuma ua kexi polofeta, uejidile kuma Nzambi ua mu lokela kuila ku mbutu ia malômbo mê, hádia kukala muthu ua kà xikama ku kialu kiê kia ungana.

Jihebeleu 7:21

Maji Ngana Jezú ua di bhange nganga kioso Nzambi kia mu ambela, uixi: O Ngana ua loka, ka tena kualuluka; eie uanda kukala u nganga i xalela-ku.

Afundixi 2:1

Mukunji ua Jihova anga u tunda bhu Jidingale u banda ku Betele. Uixi: Eme nga mi katula mu Ijitu, nga mi bheka mʼoxi i nga lokela ku jitata jenu, ngixi; Kikutu kiami kioso, ki nga te ni enu, ki ngi ki tondala kana, kate ku miji ni miji.