Jisálamu 89:29 - O Mikanda Ikola

²⁹ Muiji uê ki u kala dingi ni dizubhilu, kiandu kiê ki nanga kala o izuua ia maúlu.

Jisálamu 89:29 ပူးပေါင်းရင်းမြစ်များ

II Samuuele 23:5

Dibhata diami manhi ki kiene ki dia tungiua ku mesu ma Nzambi? Kuma ua te ni eme kikutu ki nangenena, kia jimbuluka mu ima ioso, kiókondeke; ioso ia kubhanduluka kuami, ioso ia mbote i ngʼinda, manhi ki muene u i buingitisa?

I Malunda 22:10

Muenhú muene ua kà tunga inzo phala o dijina diami; muene ua kà ngi kala monʼami ua diiala o eme ue ngi mu kala ngi tata iê; nga ka xikika o kiandu kia utuminu uê, ku thandu dia Izalaiele, katé ku hádia ni hádia, sé dizubhilu.

Jisálamu 132:11

Jihova ua te ni Davidi, kikutu kia mulôko, ka ẋikina dingi kualuluka; kuma uambe, uixi; Mona u tunda ku mukutu ué muene u ku bhingana bhu kiandu.

Jisálamu 21:4

Muene ua ku bhingi muenhu, eie ua mu bhana-u; ni kuvula izuua, iiza jinga ngó katé ku hádia ni hádia.

Jisálamu 45:6

Kiandu kié, Nzambi iami, ki xalela sè thembu, katé ku hádia ni hádia; mbasá ia utuminu ué, ia kukumbidila kuoso.

Jisálamu 89:36

Kuma muiji uê uà kà nangenena muene, o kiandu kiê ki kuata muene, kala o dikumbi ki nga di bhake bhu kididi kiê.

Jisálamu 89:4

Ngixi o mbutu ié i laia muene ni ku hádia ni hádia; kiandu kié ngi ki tunga ni ki nangenena, kutunda muiji kuiza muiji. (Selah.)

Izaía 55:3

Bhetekenu o mátui menu, nda mu ize kokuami; ividilenu, muenhu uenu ubhuluke; kuma nga-nda kuta nʼenu kikutu kixalela-ku, hé ngi mi bhana jimbote ja Davidi ki jene kufula.

Izaía 59:21

Kienhiki, kiene kikutu kiami eme ki ngi ta-nâ, eme ngi Jihova: O Nzumbi iami ia ku tula ku thandu, ni maka mami, u nga-te mu kanu dié, ka kà tunda-mu né mu kanu dia mbutu ié, né mu kanu dia mbutu ia mbutu ié, a xalela muene tundé kiki katé ku hádia ni hádia, kiene kia tange Jihova.

Izaía 9:7

O kukula kua ulamba uenhú, ki kuene mbambe; o kutululuka kuê ki kuene kúbhua; ua tulama bhu kiandu kia Davidi ni ku usobha uê, phala ku u kuatesa bhu kididi, ni ku u fikidila mu kutetuluka ni mu uiukilu, tunde kiki katé ku hádia ni hádia; o muanu ua Jihova dia Ilômbo Ieta uene ua-nda ku bhanga kienhiki.

Daniiele 2:44

Maji, mu izuua ia jisobha jenhiji, o Nzambi ia diulu ua kà bhekaku o utuminu ki u xikina dingi ku u jikinisa; o utuminu iú kà u ehela ku bhita dingi bhu maku ma miji iengi; uene kiá ua kà sasujula o mautuminu mosoʼama anga a-bhua-ku, maji o uene ua kà xalela ni kutumina mu thembu joso katé ku hádia ni hádia.

Matendelelu 11:21

Phala mu mone ki mua-nda kuvula izuua ia kulaia nʼenu ni anʼenu, mʼoxi ia lokela Jihova ku i bhana ku jitata jenu; anga izuua ienu isoka ni ia diulu ki dia di leka ku thandu diaʼxi.