Jisálamu 89:26 - O Mikanda Ikola

²⁶ Eme u ngʼixana: Tata, Nzambi iami, ditadi diami dia kulengela, ubhukilu uami.

Jisálamu 89:26 ပူးပေါင်းရင်းမြစ်များ

II Samuuele 22:47

Jihova a laie mu thembu joso! A tane-ku ditadi diami! A zangalale Nzambi iami ia Kibhamuenhu!

II Samuuele 7:14

Eme ngi mu kala ngi tata iê, o muene u ngi kala monʼami. Se u bhukumuka anga u tondala, ngi mu beta ni mbangala ia kubeta athu, ngi mu bha jixikote ja anʼa athu.

I Malunda 22:10

Muenhú muene ua kà tunga inzo phala o dijina diami; muene ua kà ngi kala monʼami ua diiala o eme ue ngi mu kala ngi tata iê; nga ka xikika o kiandu kia utuminu uê, ku thandu dia Izalaiele, katé ku hádia ni hádia, sé dizubhilu.

Jisálamu 18:46

Jihova u kôla; a tane-ku, ditadi diami! a zangalale, Nzambi iami ia kibhamuenhu!

Jisálamu 43:4

Phala ngi bhixile bhu kalatódio ka Nzambi, kua Nzambi uène o kusanguluka kuami kua dikota; o mu ku ku ximana, ngi ku imbila ni kakoxi, u Nzambi, Nzambi iami, tata!

Jisálamu 62:2

Nzambi muene ngó o ditadi diami di ngi bhana muenhu; kua muene ku nga kondamena, ka ngi zambesa kiavulu, kana!

Jisálamu 95:1

Ndokuenu, tu imbidienu Jihova ni kutana; tu dikodienu ni ngalasa bhu ditadi dietu dia kubhulukila.

Zakadiia 9:10

Muene ua kà jikinisa o makalu ma ita mʼoxi ia Ifalaíme, ni jikabalu ja Jeluzaleme; ni mufula ua ita ua kà u bukula ue; Muene nʼa kà tula jingolokela ja paze ni kutululuka ku akua jixi; o utuminu uê ua kà di zala tunde ku musanza katé ku musanza ua mukuá; tunde ku honga ia Ufalate katé kua suku oxi.

Matesu 26:39

Anga u sondoloka-bhu kòfele, u fukama, u ta pholo bhoxi, hé u samba, uixi: Tata iami, se ki xikina, dikáu dienhidi dia phaxi iíi, ngi katule-diu. Maji-phe ki ngi sola eme, kana, inda ki u sola eie.

Matesu 26:42

Anga lua kaiadi dingi uia, u samba, uixi: Tata iami, se kia bhingi kuila dikáu dia phaxi didi ki di tena ku ngi somboka, katé ki ngi di nua, kioso ki ua solo Eie ki bhite.

Marku 15:34

Mu ola ia kavua. Jezú anga u di kola ni dízui dia suina: Eloi, Eloi, lama sabachthani! Uambe, mu ku ki lombolola: Nzambi iami, Nambi iami, ua ngʼehelela-hi-á?

Luka 23:46

Bhenhobho Jezú anga u di kola ni dízui dia suina, uixi: Tata, nzumbi iami nga i bhana bhu maku mé. Ki a zubha ku ki zuela, anga u batuka o muenhu.

Nzuá 11:41

Anga a katula-ku o ditadi. Jezú anga u bhetula mesu bhulu, uixi: Tata, nga ku sakidila kuma eie ua ngʼ ivu.

Nzuá 20:17

Jezú u mu ambela, uixi: Ku ngi kuate; kuma ki ngi bande luua kua Tata iami. Ndé-phe ku jiphange jami kà ambele kuma eme nga-nda kubanda kua Tata iami, kua Tata ienu; kua Nzambi iami, kua Nzambi ienu.

Jihebeleu 1:5

Kuma anju kuẋi, Nzambi iambelele uixi: Eie u monʼ ami, lelu muene nga di bhange ngi Tata ié. Kana-ku ue anju iambelele uixi: Eme ngi kala ngi Tatʼ enu, eie u kala u monʼ ami?