Jisálamu 89:22 - O Mikanda Ikola

²² Kana nguma i tena kuvubuka mʼoxi iê, kana kisuéia ki tena ku mu tolola.

Jisálamu 89:22 ပူးပေါင်းရင်းမြစ်များ

II Samuuele 7:10

Mundu uami ua Izalaiele nga a bhana kididi, nga-nda ku a phapha phala a tunge a some, ka bhingi dingi kutáula; isuéia ki i kala dingi mu ku a tatesa kala mʼokulu,

I Malunda 17:9

Eme nga xindi kididi phala o mundu uami Izalaiele, nga kà u phapha muene, phala a tunge a some mu kididi kiâ, nuka dingi a a tutumbisa ni ku a bheka ku mbandu iii mba ku mbandu iamukuá; ki mungu dingi o ana a ísueia iná a kà a tatesa kala ku dimatekenu mʼukulu,

Nzuá 17:12

Kioso ki nga kexile-nâ mu ngongo, nga a bhakele mu kutena kua dijina dié. Nga engi, oso ua ngi bhana-nâ, ki bhu texika muthu, kikale iuná ngó o kilalu kia mona, ua texika-bhu, mu kubhitisa o maka mòsoneke mu Mikanda Ikôla.

II Tesalonika 2:3

Ki bhu kale muthu u mi nganala kioso-kioso. Mukonda kizuuʼ okio ki kiza luua, kikale ku dianga hanji kubhita o thembu ia athu kubaluka, a balukila Nzambi, o muthu ua Kisueia nʼa kà tukuluke, o monʼ a kibuika ió a mu elesela kuia mu inferno.