Jisálamu 89:2 - O Mikanda Ikola

² Kuma nga mono o jihenda jé ja tunguia muene katé ku hádia; o ufiiele ué ki u budika dingi, ua kuata kala kia kuata o diulu.

Jisálamu 89:2 ပူးပေါင်းရင်းမြစ်များ

Nehemiia 1:5

Ngixi; Ngana tata, u Nzambi ia diulu, Nzambi ia dikota, u kuatesa uoma! Uene mu bhaka o kikutu ni kulendukila ió oso a kuzola anga a bhaka o ijila ié;

Nehemiia 9:17

Anga a dituna muene ku kuívua, o madiuanu mé u ua a bhangela, ku a xinganeka kana; anga a kolokotesa o xingu iâ mu kuxikana, o mu huka kuâ anga a zangula mutumini hé a mu ta ku pholo iâ, mu kusota kuvutukila mu ubhika uâ mu Ijitu; Maji eie-phe, eie u Nzambi ia muloloki, ia kutululuka ni henda, ua kokoloka mu kutema, uene ni unéne mu kubhanga o mbote, ku a ehelela.

Nehemiia 9:31

Maji eie-phe mu kuvula o henda, ku a jimi mbutu mba u a ehelela; mbata eie u Nzambi ua uabhela kuloloka ni ku kuatela henda.

Jisálamu 103:17

Maji o henda ia Jihova-phe, ku i tunda, ku i ia, ki iene thembu; ia xalela ku thandu dia akua uoma uê; o ku kumbidila kuê ni ku mululu ni ku mulaula.

Jisálamu 119:89

U Jihova, maka mé ma kuata ku diulu, ki bhuala u tena ku ma tumbulula, katé ku hádia ni hádia.

Jisálamu 146:6

Ua bhanga o diulu ni ixi, ni menha a kalunga, ni ima ioso iala-mu; mukua kukumbidila o kidi katé ku hádia ni hádia, sé kufula.

Jisálamu 36:5

O kulenduka kué, u Jihova, kua tuta ku diulu; o kukumbidila kué ku bhixila ku matuta,

Jisálamu 40:11

Eie ue, u Jihova, ku fule ku ngi ta muẋima ni jihenda jé; o kiadi kié ki ngi kale ku mbandu joso, ni kidi kié.

Jisálamu 42:1

Mukuâ ni mbâmbi i haha, mukonda honga ia menhʼa hungulule, ia mu kala dikanga, kiene ue o muẋima uami uala mu haha, mu kuinda eie, u Nzambi!

Jisálamu 89:37

Kià kala muene katé ku hádia, mukuâ ni ki nangenena o mbeje, mbangiʼoio ia fiiele mu dinga ni dinga. (Selah.)

Jisálamu 89:5

Eie, u Jihova, ni kilômbo kia diulu kia kà ximana o madiuanu mé; o ufiiele ué a kà u tumbula bhu kionge kia athu aiuka.

Dialuilu 23:19

Nzambi ki muthu, kuila u ta makutu. Ki monʼa muthu, kuila u zuela luiadi. Kima kiambe, u kamba ku ki bhanga? Kia mu bhiti bhu dimi, u aluluka?

Matesu 24:35

Oxi ia kà jimuka, ni diulu, o Maka mami-phe, ki mà jimuka.

Luka 1:50

O henda iê ia kalé ku miji ni miji ku thandu dia iá oso a mu xila.

Jihebeleu 6:18

Phala bhu kale ima iiadi iakolo, ia bhingi Nzambi mu ku i tanga ka tena ku kala ni makutu, phala ku tu suinisa kiavulu o miẋima, etu oso tua lengela kua Muène, tueza, tua kuata o kudielela kueniʼuku kua tu bhana.