Jisálamu 89:17 - O Mikanda Ikola

¹⁷ Kuma eie-muène u nguzu iâ, u thathe iâ; lumbinga luâ lua bhetuka mukonda dia kiadi kié.

Jisálamu 89:17 ပူးပေါင်းရင်းမြစ်များ

Nehemiia 8:10

Nehemiia u a tangela dingi, uixi: Ndenu, mua kà die ima ia nete, ni kúnua ima ia touala, anga akuenu a kambe kuiudika kima mua kà a tumikise ue kia kúdia: mbata kizuua kiki kia dikota kiolumbile kua Ngana ietu; uila kiki, ki mu disuuate, mukonda o kusanguluka kua Ngana, iene o nguzu ienu.

Jisálamu 112:9

Kʼemina, maji u bhana, u uanena o jingadiama; ka kuata sonhi, o mútue uê u bhetuka muene ni kijingo.

Jisálamu 132:17

O kutena kua nguzu ia Davidi, muenhomo ku kuia-ku dingi; ngi sendela kandeia phala o muthu uami nga mu undu ni maji.

Jisálamu 148:14

Lumbinga lua povo iê ua lu bhana dingi nguzu, kia bhangesa akua kikutu kiê ku mu ximana; ene anʼê a Izalaiele, ene o mundu uê a mu zukama. Ximanenu Jihova!

Jisálamu 28:7

Jihova muene nguzu iami, ngubu iami; muẋima uami ua mu dielela muene, eme nga bhanduluka; kia bhangesa muẋima uami kukala ni ngalasa iavulu; ngi kuata muimbu ua ku mu ximana jinga.

Jisálamu 75:10

Jimbinga ja isuéia ngi ji batula muene; maji o jimbinga ja iá aiuka-phe ji kala mu kuimana.

Jisálamu 89:24

Ni kitongola ni jihenda jami ja ku di tuma, jene ji mu endesa; ngi mu zangeleka muene ditala dia ujitu, o nguzu iê idibandekeza.

Jisálamu 92:10

Eme-phe u ngi vudisila o nguzu iami kala ia phakasa; kuma eie ua ngʼundu ni maji mengi ma kindala.

Izaía 45:24

A kà ngi zuela kuila: Mua Jihova ngó ubhèkelele uê, muene muala o kuiuka ni kutena; a kèza kua muene; ene oso a kà mu lungulukila, sonhi ja kà a kuata; a-nda kukakuka.

Filipe 4:13

Ima ioso nga soko na-iu mua Kristu ió mukua ku ngi bhana o kutena.

I Samuuele 2:1

Hana bhenhobho anga u samba, uixi: Muẋima uami ua tanena kua Jihova; pholo iami ia zangalala mua Jihova; dikanu diami u sanga dia kulu mu kuolela o jinguma jami; mukonda nga sangulukila mu kubhuluka ku tunda kokuê.

I Samuuele 2:10

Oso a bhânga ni Jihova a kà tolojoka; muene u a numinina tunde mu diulu. Jihova uà fúndisa maẋokololo a jixi. Sobha iê ua kà mu bhana o nguzu ni kutumina ua kà zangeleka o kutena kua muthu uê ua mu undu ni maji.