Jisálamu 88:15 - O Mikanda Ikola

¹⁵ Tunde mu undenge ki nga bhondalala, ngala bhu bhulubhulu dia kúfua; nga juuala ni isuma ié, kuma ia ngi kuatesa uoma!

Jisálamu 88:15 ပူးပေါင်းရင်းမြစ်များ

Jobe 17:1

O muenhu uamni ua muia ni kujikinina, o izuua iami ia muia ni kujimuka, bhu pholo iami kiala-bhu ngoho, o mbila iene, kuabhu.

Jobe 30:20

Nga di kola kokué, maji eie kua ngi vutuila; ngʼemana muene, maji eie ua mu ngi talʼé ngoho kienhiki, ku ngi suu.

Jobe 6:4

Mukonda o mifula ia Muteni-a-Ioso ia ngi kuata, o muenhu uami uala mu kúnua o ikolakola iê; ima ioso ia Nzambi i kuatesa uoma, ia ngi kondoloka.

Jisálamu 43:2

Kuma eie, eie u Nzambi iami ia kimbaka; phala-hi u ngʼehela ngó mu kanga? mbebhuʼohi ngiia jinga ni kudila ni dilamba mukonda dia ubhika uala ku ngi bhikisa na-u o nguma?

Jisálamu 44:25

Kuma o muẋima uetu ua toloka katé mu fufuta bhoxi; o mukutu uetu ua fufujuka muene mu mavu.

Jisálamu 73:14

Kuma kumbi dioso dia kambàmba, o kuxixima kuami kua kalé; o kaxtiku kami kabasa kuaki.

Izaía 53:10

Maji kiene-phe kia uabhelele Jihova, o ku mu tutujula ni ku mu katesa; kioso o muenhu uê kia u bhanga kiamenga kia kituxi, muene ua-nda kumona o mbutu iê, ua-nda kuvula izuua ia kulaia, o kioso kia uabhela Jihova, kia kà Zediuila bhu lukuaku luê.

Izaía 53:3

Kia kexi, a mu di tunu, muene o muthu a beta o ku mu tènda ni ku mu sebulula mu athu oso; mukua misusu; muthu uejidila o kutala hadi; uedi kala ió athu a mu bhana jinga dikunda ni ku mu suekela o pholo; kia kexile a mu ehelela, ki bhuala dingi muthu ua mu suu.

Zakadiia 13:7

Eie xibhata, balumuka u bilukile o Mubidi uami, ni muthu ió ngene-nê kumoxi, mukua kisoko kiami, Jihova dia Ifuẋi ua-lu zuela, uixi: Mubidi mu kuame, nda o jimbudi ji muangane; maji lukuaku luami lua kà lungulukila katé ni ku jindenge.

Luka 22:44

Malamba mê anga u kumbama na-u, anga u samba dingi ni nguzu. O suualu iê anga i biluka kala matoxi ma makota ma manhinga, ma-la kuenda ni kumbomba bhoxi.]