Jisálamu 88:12 - O Mikanda Ikola

¹² Madiuanu mé manhi a moneka dingi mua vunduʼomo? mba o kukumbidila kué mʼoxi ia kijimba kioso munhá?

Jisálamu 88:12 ပူးပေါင်းရင်းမြစ်များ

Jisálamu 143:3

Kuma nguma ia zuididika o muenhu uami, ua ngi xinina muene bhoxi, kala ngi muthu ngʼàfua ukulu.

Jisálamu 31:12

Mukuâ ni kimbi kiófunde, athu ka ngi te dingi muẋima; a ngi kita ngi ímbia iabudika.

Jisálamu 88:5

A ngi te kiá kumoxi ni madifundu, nga soko kiá ni afi a zeka mu mbila jâ, a bhingi eie kuala ku a xinganeka dingi, o ku lukuaku lué a batuka-ku kiá.

Ndongixi 2:16

Mbata ki tu fike kuila o njimu a kà beta o ku mu lembalala, o kiôua ni ki kale ndenge; kuma ku izuua ia hádia, o ima ioso ka kà i lembalala dingi, kuila bhua bhiti kiá tu izuua. Ene oso a kà fua kiò-muene, kutale o njimu uejiia, uixi o kiôua kejiia kima.

Ndongixi 8:10

Nga mono ue akua phulu ku a funda mu jimbila ni kutululuka, anga bhu kala muene ni muthu uia bhu mbila jâ; maji o ió a bhanga jinga o jimbote mu mbonge, a tunda jinga bhu kididi kia kuiuka, ki bhuala ngó muthu ua a lembalala; kidi muene, imiʼii ue kingoho kiene.

Ndongixi 9:5

Kuma ió oso ala ni muenhu ejiia kuila a-nda kúfua, maji o ió afu kiá kʼejiia dingi kima kioso-kioso; né ue kisakidilu kia kima, ene kala nakiu dingi; kuma o dixinganekenu diâ, athu a di bhakuila ue kiá o kijimba.

Izaía 8:22

O kia tala mu ngongo, a mona-mu mukondo ni kitombe kila muene buí, o mu thulu mua kà a xita ni kikote, anga aia ni ku a lundujuila mua vundu, muedi buí.

Matesu 8:12

Maji ana ene avu o ungana uâ-phe, a kà a kaiela ku usuku ua kanga, kuenhoko kuene kuà kala o kudila ni ku di kokota ku mazu.

Juda 1:13

Edi kala mabhuku ma musanza ua kalunga, ma temanana, ma thuthuma kifulu kia ibhangelu ia jisonhi. A sokela ni jithethembua ja jimbila o njila, ja lungu mu usuku ua ji xikamena, ua ji iudikila Nzambi, uedi ni uene bui, ki uene dingi kukia katé ku hádia ni hádia.