Jisálamu 88:1 - O Mikanda Ikola

¹ U Jihova, Nzambi ia ubhulukilu uami, ngi dikola ko kué muanha ni usuku.

Jisálamu 88:1 ပူးပေါင်းရင်းမြစ်များ

Dimatekenu 49:18

Nga kinga ubhulukilu ué, u Jihova.

I Jisobha 4:31

Muene ue kiá o muthu uabetele mu kuijiia athu oso ndenge, kuma muene ua kexile kota mu kuijiia. Etane, mukua Zola ndenge, o Hemane, ni Kalekale, ni Dana anʼa Mahole ue, ndenge. O fuma iê anga idimuangena mu jixi ku jimbandu joso.

I Jisobha 5:11

Solomá hé u bhana ue kua Hilamu makuinhi aiadi a midi ia itutu ia jikolo iezala ni tiliku, phala o huta ia kudikila o dibhata diê, ni makuinhi aiadi a itutu ia jikolo iezala ni maji òbete kiambote. Ima ienhiʼii iene ia bhana jinga Solomá kua Hilamu, muvu ni muvu.

I Malunda 2:6

O ana Zela: Nzidi, ni Etane, ni Hemane, ni Kalekoli ni Ndala; ene oso a tena kitanu.

I Malunda 6:18

O ana a Kohate: Halane ni Izahale, ni Hebolone ni Uziiele.

Nehemiia 1:6

jikula-phe, Ngana, o mátui mé, ni mesu mé ma jikuke, mu kuívua o musambu ua mubhikʼé, u nga mu samba lelu bhu pholo ié, mʼusuku ni mu muanha, mu diondela abhikê, o anʼa Izalaiele; ni ku diẋikina kutukulula kokué o ituxi ia anʼa Izalaiele, i tua ku tela eie; mukonda eme uami ni dibhata dia tatʼetu ituxi tua i te.

Jisálamu 140:7

U Jihova, Ngana iami, Mubhuludi, eie-muène ua ngi vungina o mútue mu kizuua kia ita.

Jisálamu 22:2

Nzambi iami, tata, ngala kuila ngi dikola mu muanha, eie-phe kua ngi suu; ni mu usuku ngi dikola, ki ngene kudixibha, maji eie ku ngʼivu.

Jisálamu 24:5

Muenhú muene o muthu u tambula dibesá dia Jihova; a mu bhana ue kulúnga kuala Nzambi iê ia kibhamuenhu.

Jisálamu 27:1

Jihova muene umuikinu uami, ubhulukilu uami; ngi kala-phe ni uoma ua nanhi? Ngana muene ua ngi bhana o nguzu ia kukola muenhu, uebhi-phe ngi mu kala ni hele?

Jisálamu 27:9

Kana ku ngi suekela o pholo ié. Ngi mubhikʼe, kana ku ngi kaia ni njinda; ua ngi kuatekesa jinga mʼokulu, ni kiki kana ku ngʼambudisa, kana ku ngʼehelela, u Nzambi iami ia kibhamuenhu!

Jisálamu 42:1

Mukuâ ni mbâmbi i haha, mukonda honga ia menhʼa hungulule, ia mu kala dikanga, kiene ue o muẋima uami uala mu haha, mu kuinda eie, u Nzambi!

Jisálamu 51:14

Ngana Nzambi, ngi katule ku ituxi ia ujibhanganga, u Nzambi iami ia kibhamuenhu; phala o dimi diami di kale mu kuimba nguzu o kukumbidila kué.

Jisálamu 53:1

O kiôua ua ki ambe ku muẋima uê, uixi: Kana-ku Nzambi! Athu ala muene ifusa, a bhanga isunji iaiibha; ki bhuala ngó u bhanga mbote.

Jisálamu 62:7

Kua Nzambi kuene kua ngi kala o kulaia, ni kudisanza, ni kijingo; o ditadi diami dia nguzu, ni dilengelu diami, kuene kua Nzambi.

Jisálamu 65:5

Ima ia undanda, Ngana, i uene kubhanga mu kuitaia kué ni kidi kié, u Nzambi ietu ia kibhamuenhu; eie a ku dielela katé ku maẋokololo aʼxi, ni kua iá a takuka dikanga ku musanza.

Jisálamu 68:19

Ngana a tane-ku! mukua kuila izuua ioso u tu ahula o kimbamba kia tu xina, hé u tu izalesa ni mbote; muene Nzambi ietu ia Kibhamuenhu. (Selah.)

Jisálamu 79:9

Tu bhandulule, eie u Nzambi ietu ia Kibhamuenhu, mukonda dia fuma ia dijina dié; mu dijina dié tu kudile, o ituxi ietu u i loloke.

Jisálamu 86:3

Ngi kuatele henda, Ngana, kuma kumbi dioso dia kambàmba nga dikola ko kué.

Izaía 12:2

Talesa-ze, Nzambi muene ubhulukilu uami; eme, muene ngi mu dielela, ki ngi kalʼami ni uoma; mukonda o Ngana Nzambi, muene nguzu iami, muene mukumbi uami, iu lelu ua di-bhange kibha-muenhu kiami.

Izaía 62:6

Jeluzaleme, tata, nga tula-ze alangidi ku thanduʼa imbaka ié, enhá muanha ni usuku ka tena kudixibha; enu mu akua kutumbula Jihova, momuenu ki mu kale ku dixibha;

Luka 1:47

o nzumbi iami ia sanguluka mua Nzambi, Kibha-muenhu kiami.

Luka 18:7

Abha, Nzambi u kamba kufundisa athuʼê ua a sola, a di kola-kola kua muène mu muanha ni mu usuku, anga ua zokelela mu milonga iâ? Manhi u kokoloka mu ku a banda?

Luka 2:30

Kuma mesu mami ma mono kiá o ubhulukilu ué,

Luka 2:37

Hanji-phe kia xala mutudi, ua kuata kiá makuinhi-nake a muvu ni iuana. Muène, mu Tembulu kene kutunda-mu dingi, u kala-phe mu kalakela Nzambi ni mu usuku ni mu muanha, ni kujejuuala ni kusamba.

I Tesalonika 3:10

Ni usuku ni muanha ngala kusamba ni kujiza, phala tu mi mone dingi o jipholo, ni tu mi zubhile ioso ia kambe mu kuxikana kuenu.

II Timote 1:3

Nga sakidila Nzambi, nga mu sedivila ni kitongoluelu kiazele, kala kia bhanga jinga a a kukuetu. O mu kusamba kuami, ni mu usuku ni mu muanha, ngene mu kusakidila jinga Nzambi izuua ioso, kioso ki ngi kala mu ku ku lembalala.

Tito 2:10

Ka kale ni uii, ua kunhana ima ia jingana jâ. Inda a kale kiambote jifiiele, ediikize uthu ua mu ima ioso ia bhanga, phala a fuamese ulongelu ua Nzambi, Mubhuludi uetu, mu ima ioso.

Tito 2:13

O kiadi kienhiki ki tu longa ue kukala mù kingila o kizuua kietu kia kuzediua, kioso kia kà tukuluka ni fuma Nzambi ia dikota, Mubhuludi uetu, Jezú Kristu.