Jisálamu 87:7 - O Mikanda Ikola

⁷ Ni iá akua kuimba, ni iá akua kukina, hé a ki ta muene ku mukumbi, exi: Bhʼotho ietu, bhu tunda o kuzediua kuetu, bhenhobho, Ngana, bho-bhué.

Jisálamu 87:7 ပူးပေါင်းရင်းမြစ်များ

II Samuuele 6:14

Davidi anga u kina, bhu pholo ia Jihova ni nguzu ioso; Davidi ua zuata efodi ia linhu.

I Malunda 23:5

Kutunda dingi midi jiuana ja alangidi a mielu bhu mabhitu, ni midi jiuana phala kuximana jinga Jihova, ni ingolongondo ia kuxika mimbu i nga bhange eme-muène phala ku mu ximana jinga.

Jisálamu 149:3

A mu ximane o dijina ni kukina; a mu ximane ni kuxika kisàka ni kakoxi.

Jisálamu 36:9

Mukonda ko kué kuene kuala o kitu kia muenhu; o mu mukengeji ué muene mu tua kà muena kuzela.

Jisálamu 46:4

Sai-ku ngiji o milombo iê i tekela o mbanza ia Nzambi; kididi kiangene kia mabhata ma Sukè-ku.

Jisálamu 68:26

Tumbulenu Nzambi bhu kionge kia mundu, tumbulenu Ngana, enu mua tundu mbutu bhu otho ia Izalaiele!

Izaía 12:3

O enu-phe, ni kusanguluka kuoso, mua-nda kua kà teka menha mu jifiẋi ja kubhuluka.

Izekiiele 47:1

Kia bhiti imʼiii, ua ngi vutukisa bhu muelu ua Tembulu, mu kutala nga mono menha ala kutunda bhu kikota kia muelu ua Tembulu, a kungulukila ku tundila o dikumbi; mukonda o inzu iene ue ia lungila ku thunda, o menha a kexile mu kufuáfua koxi, ku mbandu ia kadilu iaʼnzu, o mbandu ia uombe ia Kalatódio.

Nzuá 1:16

Ku nzungule ia umvuama ua henda iê, etu oso tua tambula-ku ndumba ia kiadi mu kiadi.

Nzuá 4:10

Jezú anga u mu vutuila, uixi: Eie se uejidile o ujitu uene mù bhana Nzambi, o ua ku bhingi menha ue, se ua mu ijidile, eie ueji ku mu bhinga muène, nʼa ku bhane menha ma muenhu.

Nzuá 4:14

Maji uoso u nua o menha mu ngi mu bhana, nuka a kala dingi ni dinhota. Mukonda menha mu ngi mu bhana, ma-ndu biluka fixi moxi diê, i fuáfua menha ma kalelà-ku ndú ku muenhu ki uábhua.

Tiiaku 1:17

Kuma o ujitu uambote u tu tambula, ni uhete uauabha, u tunda ku duilu. Ima ioso íii i tuluka kua Nzambi, Tata ua bhanga o mikengeji ia diulu. O muène kene ni kualuluka, kuma mua muène ki muene mú kala nè ngó kizenji kia kualuluka.

Dijingunuinu 21:6

Anga u kumuna dingi, uixi: Maka ma zubha kiá kubhita! Eme ngi Alafa ni Omeka, ngi Dimatekenu ngi Dizubhilu. Uoso dinhota dia mu kuata, ngi mu bhana kunua bhʼotho ia menha ma muenhu, mu ngoho.

Dijingunuinu 22:1

Anju anga u ngʼidikiza ue o ngiji ia menha ma muenhu, mazele kala kidistalo, i fuafua bhu kiandu kia Nzambi ni kia Kambudi,

Dijingunuinu 22:17

Ni Nzumbi ni Dibhanga, edi: Izá! Uoso ue uívua imʼíii, ele: Izá! Uoso dinhota dia mu kuata, eze. Uoso uandala, a tambule o menha ma muenhu mu ngoho.