Jisálamu 86:15 - O Mikanda Ikola

¹⁵ Maji Eie-phe, Ngana, u Nzambi ia jihenda, uezala ni kiadi, ua kokoloka o kutema, eie ua vula o kulenduka ni kidi.

Jisálamu 86:15 ပူးပေါင်းရင်းမြစ်များ

I Malunda 21:13

Davidi anga uambela Ngade, uixi: Kubhondalala ku ngala na-ku, kuavulu! Maji eme sembele nga dibhalela bhu lukuaku lua Jihova, mukonda muene o jihenda jê jivula; nguami o ku dibhalela bhu maku ma athu.

Nehemiia 9:17

Anga a dituna muene ku kuívua, o madiuanu mé u ua a bhangela, ku a xinganeka kana; anga a kolokotesa o xingu iâ mu kuxikana, o mu huka kuâ anga a zangula mutumini hé a mu ta ku pholo iâ, mu kusota kuvutukila mu ubhika uâ mu Ijitu; Maji eie-phe, eie u Nzambi ia muloloki, ia kutululuka ni henda, ua kokoloka mu kutema, uene ni unéne mu kubhanga o mbote, ku a ehelela.

Jisálamu 103:8

Jihova ua lenduka, mukua kisambu, u kokoloka o kutema, o jihenda jê ji vula.

Jisálamu 111:4

Ikalakalu iê ia madiuanu ia xala muene fuma; Jihova ualenduka, u kuatela henda.

Jisálamu 130:4

Maji eie-phe, u Ngana, u mukua kuloloka, phala athu ende jinge ni ku ku xila.

Jisálamu 130:7

Dielela kua Jihova, u Izalaiele, kuma kua Jihova sai-ku jihenda ni kulenduka; kua muene kuala ue kubhanduluka kua vula matelu.

Jisálamu 145:8

Jihova ua lenduka, u bhanga o mbote, u kokoloka kutema, u vula kukuatela o henda.

Jisálamu 85:10

Ni henda ni kidi a takana kumoxi; o kuiuka ni kutululuka a di bhubhala hé a di nzobola.

Jisálamu 86:5

Kuma, eie Ngana, u muthu uambote, u lenguluka kuloloka, uene mu lendukila kiavulu oso a dikola ko kué.

Jisálamu 98:3

Ua xinganeka o henda iê ni kidi kiê, mu kutambula konda ia dibhata dia Izalaiele; katé ku maẋokololo a jixi, uzonda ua Nzambi ietu a u mono.

Makatukilu 34:6

O Jihova kioso kia mu bhita bhu pholo iê, Mozé, u mu kola, uixi: Jihova, Nzambi ia jihenda ni kiadi, ua lenduka, u kokoloka mu kuthathamana, u kôla mu kukuatela henda, ufiiele u vula.

Jouele 2:13

Bhu kididi kia kutandula o izuatu ienu, tandulenu muẋima uenu, mu vutuke ku Jihova, Nzambi ienu; mukonda muene mukua henda, ua lenduka, ka thathamana lusolo, ukôla mu kubhanga o mbote, anga u diela se u bhanga kia iibha mu kubazela kuê.

Jona 4:2

Hé u sambela Ngana, uixi: U Jihova, ki kiene ki nga tangelʼiki, kioso ki ngala hanji kʼoxi iami? Kiene kia ngi bhekelele kulengela ku Talxixi, kuma ngejiia muene kuila eie u Nzambi ia henda ni kulenduka, ua vula o mbote ni muanu, u kokoloka kubeta, u lenguluka kukuatela henda, anga u lenguluka ue kudiela, ki uandala kubhana muthu kaxtiku.

Mikeia 7:18

Nzambi, nanhi muene u soka nʼeie, eie u loloka o ituxi anga o kubhukumuka kua mbandu ia iá a subhuka ku undundu ué u ku jimba kiá? Ngana kene kuila o njinda iê u i bhaka katé ku hádia ni hádia, mukonda muene kia mu uabhela kiavulu, o ku kuatela henda.

Dialuilu 14:18

Jihova u kokoloka ku njinda, u vudila henda, u loloka ikuma ni itondalu; ka ẋikina-phe kueha muedi, ikuma ia jitata i bhiẋika kuxixima ku ana ni alaula, katé ku muiji ua katatu ni ua kauana.

Nzuá 1:17

Mbata o Kitumu a ki bhelele kua Mozé, o kiadi-phe ni kidi, kiejila kua Jezú Kristu.

Efezo 1:7

Mbata etu a tu kula mu kufua kua Kristu, kiene muène, oko ituxi ietu iòloloke. Mukonda o kiadi kia tu bhanga Nzambi ni kuvula kuoso, madiuanu mê mahi ngó!