Jisálamu 84:7 - O Mikanda Ikola

⁷ Mu kuenda kuê ku tunda nguzu kuiza nguzu, katé kia bhixila; kuma ene oso a kala kiókio, a kà mona o pholo ia Nzambi mu Ziione.

Jisálamu 84:7 ပူးပေါင်းရင်းမြစ်များ

Jobe 17:9

Hanji-phe, o ua iuka ua kʼènda o njila iê ni kúbhua uoma, o ua zele maku uia ni ku di bandekeza jinga mu nguzu.

Jisálamu 122:2

Kumbi dia kuzediua kia tula o inama ietu mu nzunga ié, u Jeluzaleme!

Jisálamu 42:2

Muenhu uami ua ngʼizala ni dinhota dia Nzambi, o Nzambi ia muenhu; kizuua kiahi ki nga kà bhixila, hé ngi di bhakula bhu pholo ia Nzambi?

Jisálamu 43:3

Ngi tumikise, Ngana, o mukengeji ué, ni kidi kié, phala a ngi tuamenene o njila; a ngi bheke ku mulundu ué ukôla, ni ku dibhata dié, kuala o jibalaka jé.

Jisabhu 4:18

Maji o njila ia athu a iuka-phe i di bhanga mukua ni mukengeji ua kimene, uia ni ku di bandekeza mu kuzela katé kuma ki ku zubha o kúkia.

Izaía 40:31

Maji oso a kinga kua Ngana-phe, a tambula nguzu iobhe, a di-leka ku mabhabha kala jiholokoko; alenga sé kuzônda, enda muene sé ngó kubhuila.

Izaía 46:13

Nga kà ku zukamesa o uiukilu uami; ki ua kà sanduka, kana, ni ubhuluilu uami ki ua kà kokoloka; nga kà xikika kubhuluka mu Ziione, ni kizunda kiami mua Izalaiele.

Izaía 58:11

O Jihova u ku endesa izuua ioso, anga u dikila o muenhu ué mu ididi ia kukuta, hé u ku bhana o nguzu mu ifuba; eie-muene u kala mukuâ ni díbhia diotekele, kala fiẋi ia kunuina, menhʼé kene mu kamba.

Jelemiia 31:6

Mbata hádia kua kà kala kizuua kia-nda kudikola akua kulanga ku thandu dia mulundu ua Ifalaimi. Balumukenu tu bande ku Ziione kua Jihova, Nzambi ietu.

Izekiiele 34:26

O jene nga kà ji kitula dibesá kumoxi ni ididi ia mulundu uami ukôla; o mvula hé nga kà i tuma kusonoka bhu thembu iê; ia kà kala mvula ia kizediuise.

Zakadiia 14:16

Kieneʼokio, ene oso a subhuka ku miji ioso iejile mù-lua ni Jeluzaleme, a kà banda muvu ni muvu phala kubheza Jihova dia Ifuẋi, o sobha, ni kubhanga ue o fesa ia jifundu.

Luka 2:24

Anga a bhana ue sata, kala ki ambe mu Kitumu kia Ngana: Membe maiadi, mba tuphomba tuiadi.

Nzuá 1:16

Ku nzungule ia umvuama ua henda iê, etu oso tua tambula-ku ndumba ia kiadi mu kiadi.

Nzuá 14:3

Se ngai, anga ngi mi iudikila kiá kididi, hádia ngiza, ngi mi tambulula ko kuami; o kuoso ku ngala eme, enu uenu kuene ku muà kala.

Nzuá 15:2

Thangu ioso iala mo muami, maji i kamba kubhana ibundu, muène u i batula. Maji o thangu ioso i bhana ibundu, u i solala, hé u i zelesa, ni i bete o kubhana.

Nzuá 6:39

O vondadi-phe ia ió uoso ua ngi tumu, i ngi bhanga, ienhíʼii: Kuila oso muène ua ngi bhana-nâ, ki bhu ngi jimbile umoxi ngó, kikale oso ngʼ a fukununa mu kizuua kia kà suka-ku.

II Kolindo 3:18

Uila kiki, etu enoso, ni pholo iofutumune, tu kala mu londekeza o kubenha kua Ngana kala ki bhanga o lumuenu. Kuma o kubenha koko kua mu tunda kua Ngana, muene o Nzumbi. Kuene ku tu kitulula anga tu di fuangana ni Ngana, o mu kienhiki o kubenha kuetu kuia ni kudibandekeza dingi kithangana ni kithangana.

Matendelelu 16:16

Mala oso mu kaẋi kenu a tokala kuiza lutatu ku muvu mu ku di bhakula bhu pholo ia Jihova Nzambi ié, bhu kididi bhuoso bhua solo muene; moxi, bhu fesa ia jimbolo ja hangâla; kadi, bhu fesa ia jisemana; tatu, bhu fesa ia jifundu; maji kana kuiza ni maku ahatu bhu pholo ia Jihova.

I Tesalonika 4:17

O kia kà zubha o kufukunuka, ni etu tuala ku muenhu, tua xala-ku, tua kà zangumuka kumoxi ni ene ku matuta, phala kutakana ni Ngana mu dimbinza. Kieniokio tuà kaiela-ku kiá kumoxi ni Ngana.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.