Jisálamu 84:4 - O Mikanda Ikola

⁴ A lungu-â oso a tungu mʼonzo ié; a kala jinga mu ku ximana sé kuzumbuka. (Selah.)

Jisálamu 84:4 ပူးပေါင်းရင်းမြစ်များ

Jisálamu 145:21

Dikanu diami di sakalala mu kuximana Jihova; o xitu ioso, kutunda muiji kuiza muiji, i ximane dijina diê dikola.

Jisálamu 23:6

Kidi muene, o mbote ni henda i kala mu ku ngi kaiela, izuua ioso ia muenhu uami; ngà kala ni kukondama mʼonzo ia Jihova, mu izuua ni izuua sé dizubhilu.

Jisálamu 27:4

Kima kimoxi ki nga bhingi kua Ngana, kiene ki ngi bhindamena jinga: o kutunga mʼonzo ia Jihova izuua ioso ia muenhu uami, mbé kutala o kuuabha kua Ngana, ni kudilonga jinga maka mu Tembulu iê.

Jisálamu 42:11

Eie, ua bhuidila-hi muẋima uami? ua zôndela-hi moxi diami? dielela kua Nzambi; kuma hinu ngi mu ximana dingi! Mukonda, muene o kusangumuka kua pholo iami, muene Nzambi iami.

Jisálamu 42:5

O kiki, ua bhuidila-hi muẋima uami? Ua Zôndela-hi moxi diami? Dielela kua Nzambi, hinu ngi mu ximana dingi, hinu ngi bhanduluka dingi mu kumona o pholo iê.

Jisálamu 5:3

Kukia ngó, eie u Jihova, u ivua o dízui diami; mu kimene munhá ngi bhana musambu uami kó kué, hé ngi kala mu ku ku xibhidila.

Jisálamu 65:4

U zediua muthu uoso eie ua mu solo, anga u mu bhiẋidisa kokué, phala nʼa tunge mu kithâdi kié; mbé tu ikute jinge ni jimboteʼojo ja dibhata dié, ja Tembulu ié ikôla.

Jisálamu 71:15

Dikanu diami di tanga jinga o kukumbidila kué, ni kubhulula kué, mu kumbi dioso dia kambàmba; sumbala o konda iê nga i lémbua ku ijiia.

Jisálamu 71:8

Dikanu diami dʼizale ni diximanu dié, ngi tumbula jinga o ujitu ué kumbi dioso dia kambamba.

Dijingunuinu 7:15

Kiene ki emanena bhu pholo ia kiandu kia Nzambi, ene a mu sedivila muanha ni usuku mu Tembulu iê. O ió ua xikama bhu kiandu, u a kondeka ni kivule kiê.