Jisálamu 84:3 - O Mikanda Ikola

³ Katé ni kanjila ka sanga kididi kiê kia kukala, o phiáphia ua tungu kikalanga kiê bhua totuela anʼê, eme-phe, bhene bhu kalatódio ké u Jihova dia ilômbo, Sobha iami, Nzambi iami!

Jisálamu 84:3 ပူးပေါင်းရင်းမြစ်များ

II Samuuele 15:25

Muenexi anga u ambela Zadoke, uixi: Ambata álaka ia Nzambi, u i bheke dingi mu mbanza; kuma eme se ngi sanga ngalasa ku mesu ma Jihova, muene hinu u ngi bheka dingi kuku mu ku i mona mesu, ni álaka iene ni dibhata diê didi bhua tungu.

Jisálamu 116:7

Tunda-ku, muẋima uami, uize u nhohe bhabha; kuma jimbote ja ku bhanga Jihova ja nzungule.

Jisálamu 42:3

Muanha ni usuku, kúdia kuami masoxi; mbe iá ala ku ngi ta môndo izuua ioso, exi: Nzambi ié ua ku kala kuebhi?

Jisálamu 43:4

Phala ngi bhixile bhu kalatódio ka Nzambi, kua Nzambi uène o kusanguluka kuami kua dikota; o mu ku ku ximana, ngi ku imbila ni kakoxi, u Nzambi, Nzambi iami, tata!

Jisálamu 5:2

Ivua dízui diami dia kudikola, u sobha iami, u Nzambi iami; kuma ko kue eie kuene ku nga lungu ni kusamba.

Jisálamu 90:1

Ngana, eie u kibuta kietu, kutunda muiji kuiza muiji.

Jisálamu 91:1

Ió ua tunga mu kibúta kia kondama kia Suke-ku, iú ua xikama mu kilembeketa kia Muteni-a-ioso,

Izekiiele 24:21

Tangela o diembu dia Izalaiele, uixi: O Jihova Nzambi uambe kiki: Talenduze, kuma eme o dibhezelu diami nganda ku di buakulula ene o matunda a mbonge ienu, o kima kiene mu kuinda o mesu menu, o disangulukilu dia miẋima ienu; o anʼenu a mala ni anʼenu a ahetu, u mua xisa, a kà tenuka ku xibhata.

Matesu 23:37

Uaué! Jeluzaleme, Jeluzaleme tata! Ua bhingi jipolofeta u ji jibha, akunji a tuma Nzambi ko-kué, éʼ u a bûba ni matadi! Lukuxi luosʼulu lu ngandalele kubhongolola anʼé kumoxi, kala sanji ki i bhongolola tuana tuê moxi a mabhabha, enu-phe nguenu!

Matesu 8:20

Kuala Jezú: O makombe mene ni jingenda jâ, o jinjila ue ji bhita bhulu, sai ikalanga iâ; maji o Monʼ a Muthu-phe kala ni kididi bhua zekesa o mútue uê.