Jisálamu 84:11 - O Mikanda Ikola

¹¹ Kuma Jihova Nzambi muene dikumbi dietu, ngubu ietu; Jihova u tu bhana kiadi ni ujitu; kana kima kiemina, athu enda ni muẋima uazele.

Jisálamu 84:11 ပူးပေါင်းရင်းမြစ်များ

Dimatekenu 15:1

Kia zubha kubhita imʼiii, kizuelu X kia Jihova ki sanga Mbalamu ku kilu, uixi: Ku kale ni uoma mbata eme ngi ngubu ié, ngi kisakidilu kié kiavulu o kuvula.

Jisálamu 119:114

Eie u dilengelu diami, u ngubu iami ia ku ngi xitila; nga dielela kizuelu kié.

Jisálamu 15:2

U kala muthu ua tenena mu kuenda kuê, mukua kukalakala ima iaiuka, u tanga kidi ni ku muẋima.

Jisálamu 27:1

Jihova muene umuikinu uami, ubhulukilu uami; ngi kala-phe ni uoma ua nanhi? Ngana muene ua ngi bhana o nguzu ia kukola muenhu, uebhi-phe ngi mu kala ni hele?

Jisálamu 3:3

Maji Eie-phe, u Jihova, u ngubu iami ia ku ngi xitila; Eie-muène u kijingo kiami, eie ua ngi bhetula o mútue.

Jisálamu 47:9

Jitata ja ifuẋi iengi ja di bhongolola, a di te kumoxi ni mundu ua Nzambi ia Mbalahamu; kuma o ilolo i tuamenena ilômbo, Nzambi muene ngana iâ. Muene ku ukota ka moneka dingi mukuâ!

Jisálamu 84:9

Talesa-ze, Nzambi u ngubu ietu, tu tale Ngana! Mesu mé a kale jinge mu tala o pholo ia muthu ué ua mu undu ni maji.

Jisálamu 85:12

Euá, Jihova u tu bhana dingi o mbote ioso iafuama; o mavu metu ende ni kubhana dingi o idima iê.

Jisabhu 10:9

Uoso uenda ni muẋima uazele, ió ua di-fikidila mu kuenda kuê; uoso-phe uselula o uendelu uê, ua-nda ku di monekena.

Jisabhu 2:7

O unjimu ua kidi muene ua u lundila oso emana mixima nzanza; Nzambi iene o ngubu i xitila oso enda mu kuiuka.

Jisabhu 28:18

Muthu uoso uenda ni muẋima ua iuka, hinu ua kà bhuluka; maji o ua kuata-phe mauendelu ma bhangalala, kà nanga kúfua mu dikungu.

Jisabhu 28:6

Ngadiama, ua kambe mangonha, uala kota ku ujitu; muthu uabhumu, né-mbe u kala mvuama, ndenge.

Mikeia 2:7

Kifua enu mua tokala ku mʼixana exi: Mu dibhata dia Jakobo, o Nzumbi ia Ngana, manhi ki muala naiu dingi? Manhi ima i muala kubhanga, iene ia fuama? Mbé ki kienhiki ki bhangesa kuila ió uoso uenda ni kuiuka maka mami ma mu bhanga mbote?

Malakiia 4:2

Maji, phala enu-phe, oso muene mu kuxila Dijina Diami, kua kà mi kiela Dikumbi dia Kuiuka, diene dia kà mi bhekela ubhulukilu, uijiia na-u moxʼa mabhabha mê; enu-phe mua kà tunda, mua kà tuka-tuka mukuâ ni tuana tua ngombe kioso ki tu tunda mu kibhanga kiâ.

Matesu 6:33

Diangenu-phe kusota o Utuminu ua Nzambi ni uiukilu uê, nda ima ioso iii a mi kuiila-iu.

Nzuá 1:16

Ku nzungule ia umvuama ua henda iê, etu oso tua tambula-ku ndumba ia kiadi mu kiadi.

Nzuá 1:9

Iú uene mukengeji ua kidi, ueza mu ngongo mu ku muikina athu oso.

Nzuá 8:12

Jezú anga u kuata kua ambela dingi, uixi: Eme ngi mukengeji ua mundu. Uoso u ngi kaiela eme, kʼ ende mu ʼitombe, maji u kala ni mukengeji ua muenhu.

II Kolindo 3:18

Uila kiki, etu enoso, ni pholo iofutumune, tu kala mu londekeza o kubenha kua Ngana kala ki bhanga o lumuenu. Kuma o kubenha koko kua mu tunda kua Ngana, muene o Nzumbi. Kuene ku tu kitulula anga tu di fuangana ni Ngana, o mu kienhiki o kubenha kuetu kuia ni kudibandekeza dingi kithangana ni kithangana.

II Kolindo 4:17

Kuma o hadi ietu iii i tua mu bhita na-iu iabhebhuluka, ia kithangana ngó, hinu i tu bhekela kuzediua kuavulu kinéne, kua beta ukota o hadi iii ndenge, kuxalela-ku ndú ku hadia ni hadia.

Ngalásia 2:14

Eme-phe ki nga mono kuma kala kuenda kia iuka kala kia fuama mu kidi kia Njimbu Iambote, ngʼambelele Phetele bhu pholo ia ene oso, ngixi: Eie uala u Judé, se ua tambulula kiá kikexilu kia umatumbu, o kia ujudé kana dingi, phala-hi u bhinjika dingi o matumbu kukuata ujudé?

Matendelelu 18:2

Kienhiki-phe ene ka tambula undundu ua kima muʼaxaxi ka ʼphange jâ; Jihova muene ukala undundu uâ, kala ki a ambela kiá.

Filipe 1:6

Kuma ngedi ni kudielela kima kiki, kuila: O Nzambi, ua mi andekela o kikalakalu kiambotʼiki mu mienhu ienu, uanda ku mi zubhila-kiu katé bhu kizuua kia Jezú Kristu.

Filipe 4:19

O Nzambi iami ue, u mi dikila enu mu kubhindama kuoso ku mu kala na-ku, kala kia fuama mu jinzungule jê mu fuma mua Jezú Kristu.

Dijingunuinu 21:23

O mbanza íii ki i bhingi ku kala dikumbi, mba mbeji, mu kumuikina-mu, mukonda o kubenha kua Nzambi kua zelesa-mu, o Kambudi muène o kandeia kâ.