Jisálamu 84:10 - O Mikanda Ikola

¹⁰ Kuma kizuua kimoxi ku lumbu lué, kota, o midi ku bhata diengi, ndenge! Ngʼinda ngi kala ngi muthu ua kuimana ngó bhu muelu uaʼnzo ia Nzambi iami, ki ngʼindi kutunga ku mabhata ma akua phulu.

Jisálamu 84:10 ပူးပေါင်းရင်းမြစ်များ

II Malunda 6:42

Auá! Ngana Nzambi, tata, pholo ia muthu ué ua mu undu ni maji ku i bhangese ku lunguluka; xinganeka o jihenda ji ua kuatela Davidi dia mubhikʼé.

Jisálamu 132:10

Mukonda dia selevende ié Davidi ua mu zola! muthu ué ua mu undu ni maji, ku mu sonokese pholo.

Jisálamu 27:4

Kima kimoxi ki nga bhingi kua Ngana, kiene ki ngi bhindamena jinga: o kutunga mʼonzo ia Jihova izuua ioso ia muenhu uami, mbé kutala o kuuabha kua Ngana, ni kudilonga jinga maka mu Tembulu iê.

Jisálamu 63:2

Phala kutongolola o kukula kué ni kuuabha kué, kala ki nga ku mono mu tembulu ié.

Luka 2:46

O kia bhiti izuua itatu, kiene kia mu sange mu Tembulu, ua xikama muʼaxaxe ka jimesene ja Jijudé, uala ku a evua ni ku a ebhudisa.

Filipe 3:20

Maji-phe, etu kokuetu ku diulu, ku tua kinga ku tunda Mubhuludi uetu, Ngana Jezú Kristu.

Tiiaku 2:3

enu-phe mu xila iú ua di te izuatu ia fina, muixi: Kididi kiambote kiki, xikama bha-bha. Maji mu ambela o ngadiama, muixi: Imana koko mba Xikama bhoxi bhabha, bhu mbanduʼa inama iami.