Jisálamu 81:9 - O Mikanda Ikola

⁹ Ki bhu kale nzambi iengi muʼaxaxi kenu, kana kufukamena nzambi ia matumbu.

Jisálamu 81:9 ပူးပေါင်းရင်းမြစ်များ

I Jisobha 22:19

Bhenhobho Mika, uixi: Ivua-phe o kizuelu kia Ngana: Nga mono Jihova ua xikama bhu kiandu kiê, ni kifuẋi kioso kia diulu, kiemana bhu mbandu iê ku lukuaku luê lua kúdia ni ku lukuaku luê lua kiasu.

Jisálamu 44:20

Se etu tuedile o dijina dia Nzambi ietu tu di jimba, se tua bhele o makuʼetu kua Nzambi iengi.

Jisálamu 50:7

Ivenu, enu mu mundu uami, ngi zuele; u Izalaiele, ngi ku bhela umbangi: eme-muène ngi Nzambi, Nzambi ié ua ku vu.

Makatukilu 15:26

Hé u a ambela, uixi: Se u ívua kiambote o dízui dia Jihova, Nzambi ié, hé u bhanga kioso kia mu iukila ku mesu mê, ni u bhana o dítui ku itumu ié, hé u aiuka o ijiia iê iene ioso, ki ngi te dingi mahaxi ku thandu dié, né uhaxi umoxi ku mahaxi oso u nga te ku thandu dia akua Ijitu; kuma eme ngi Jihova, eme-muene ngi ku saka.

Izaía 28:23

Bhetekenu mátui, mu ivue dízui diami; batekelenu kiambote, mu ivue kioso ki ngi mi jimbuila.

Izaía 43:12

Eme, nga kʼijidisa, eme nga kudila, eme nga kʼivisa, muʼaxaxi kenu ki mua kexile Nzambi iengi, enu-ene mu jimbangi jami, eme Jihova; Kuma eme ngi Nzambi.

Hozeia 4:1

Ivuenu kizuelu kia Jihova, enu mu anʼa Izalaiele, mbata Jihova ua kuata mvunda ni jitungi ja tunga ku mundu, mukonda mu ngongo ki muala kidi, ki muala henda, ki muala kuijiia Nzambi.

Malakiia 2:11

Juda, mu kukamba kukala fiiele, ua bhekela kubhanga ufusa mu Izalaiele ni mu Jeluzaleme; mbata Juda, muthu ua zola Nzambi, kukola kua Nzambi ua ku sekalesa mu kusakana ni muhatu, mona ua mu bheza nzambi iengi.

Matendelelu 32:12

kiene ue kia mu endesa kuala Jihova, ubhekelèle uê. Ki bhua kexile nzambi iengi ia mu bande.

Matendelelu 6:14

Kana kukaiela jinzambi jengi, ki mu di tambulule ni jinzambi ja ifuẋi ia mi kondoloka.