Jisálamu 79:5 - O Mikanda Ikola

⁵ Ngana, tata, mbambe bhebhi, bhu u suka ni njinda ié? Difuba dié di uama kala túbhia, kifua ki di jimi dingi?

Jisálamu 79:5 ပူးပေါင်းရင်းမြစ်များ

Jisálamu 103:9

Muene ka jijila kubazela, kene mu kuila u ku tatela phonzo.

Jisálamu 6:4

Bhomba muẋima, Jihova, u ngi kudile muenhu uami; ngi bhulule, nga ku diondo mu henda ié.

Jisálamu 74:1

Eie Nzambi, tata, kífua ua tu ẋimbukilà-ku kiá? Njinda ié kífua iia ni kuxikita dixi, i ua kuatela o jimbudi ja makèla mé?

Jisálamu 80:4

Jihova, tata, u Nzambi ia ifuẋi, ua kà suka bhebhi ni kuluuala, sé kuívua o kusamba kua mundu ué?

Jisálamu 80:5

Eie ua a disa kúdia kua masoxi, ni kúnua kua kikote mu kikote!

Jisálamu 85:5

Kífua kuluuala kué, ku ua tu luualela, ki ku-bhu dingi? U jijila ku tu zemba ku miji ioso?

Jisálamu 89:46

Jihova, tata, u suka bhebhi ni ku di sueka kiki? katé ku hádia ni hádia? o njinda ié ia uama kala túbhia, kífua ki tuà jima dingi?

Jisálamu 89:47

Xinganeka o thembu iami, kuma ki i nange kúbhua; Eie, kífua anʼa athu ua a bhangela o kuseluka ngoho?

Izaía 64:9

Ku thathamane kinéne, Jihova tata, mba u jijila kuxinganeka o itondalu ietu; o kiki, tala etu tua ku diondo, etu-enʼoso tu athuʼé.

Kuditenda 5:22

Phala-hi, eie Ngana, u tu ximbuka ni ku tu dila hunji kiki? Phala-hi iene u tu balukila ni ku tu kuatela njinda iadikota kala iii?

Izekiiele 36:5

kala kiki, o Jihova Nzambi uambe kiki, uixi: Ni kidi kiene, mu túbhia tua muanu uami, muene mu nga zuelela mu kuzoka ni masubhu a akua jixi ni Idomo ioso kiá, ala kubhûnda o ixi iami, ni kusanguluka kua muẋima uâ uoso, ni kukamba kusuua o muenhu, mbé ku u takuila ku uiii.

Mikeia 7:18

Nzambi, nanhi muene u soka nʼeie, eie u loloka o ituxi anga o kubhukumuka kua mbandu ia iá a subhuka ku undundu ué u ku jimba kiá? Ngana kene kuila o njinda iê u i bhaka katé ku hádia ni hádia, mukonda muene kia mu uabhela kiavulu, o ku kuatela henda.

Sofoniia 1:18

O phalata iâ ni ulu uâ ki itena ku a kudila mu kizuua kia njinda ia Jihova; maji ku túbhia tua njinda iê ixi ioso iii ia kà jikata; mukonda, ni kidi kiene, Muene athu oso a tunga mu ngongo ua-nda ku a buikisa muʼanzanzʼumu né ngó muthu ka kà subhuka-ku.

Sofoniia 3:8

Maji o kiki-phe, mu kizuua ki nganda kubalumuka phala kunhangumuna o mbole ia madibhundila, enu-phe ngi kingienu eme, Eme ngi Jihova, mukonda eme nga te kiá nguidi ia kuongeka o miji ioso ni kubhongolola mautuminu moso anga ngi a lunduluila mázui ni kutema kua njinda iami ku thandu diâ; mbata ixi ioso ia kà uama ku túbhia tua muanu uami u ngene na-u.

Zakadiia 1:12

Bheneʼobho, o anju ia Jihova u vutula, uixi: Eie Jihova dia Ifuẋi, tata, katé bhebhi uà kamba ku kuatela henda ia Jeluzaleme ni jimbonge ja Juda, ji ua lungulukila ni kuthathamana Eie ua ji luualela mu makuinhi sambuadi a mivu osoʼâ?

Matendelelu 29:20

Jihova phe ka-nda kuẋikina ku mu loloka! inda o njinda ia Jihova ia-nda kuuama, kia ta-ku o difuba diê, mázui moso-phe mòsoneke mu divulu didi ma-nda kuiza ku thandu dia muthu ió, anga u tala na-u hadi; Jihova u mu jima o mbutu bhoxi dia diuluʼabha.

Matendelelu 32:16

A mu lokalala ni jinzambi jengi, phala ku mu bhekesa difuba; a mu thathamesa ni ma-ufusa mâ.

Matendelelu 32:22

Kuma kiene ki ngalʼiki njinda iami iauama túbhia, tua kà uama muene, katé tua bhiẋila mu jihota joso ja mukiukuluku; phala kubuikisa oxi ni funza iê ioso; ni ku jikatesa o madisesa ma milundu.

Dijingunuinu 6:10

Anga ene a di kola ni dízui dia dikota, exi: Katé bhebhi, Muadi tata! Eie Muteni-a-Ioso, u kôla, u mukua kidi! Kumbi kuẋi ki u fundisa athu mu ngongo? Kizuua kiebhi ki ua kà bhana kastiku kua ió a tu jibhile?