Jisálamu 79:4 - O Mikanda Ikola

⁴ Tua lebhuka kiavulu muʼaxaxi ka akua jixi u tua zukama-nâ; a tu sekalesa, a tu tobhesa, mu madiembu a tu kala mu jimbandu.

Jisálamu 79:4 ပူးပေါင်းရင်းမြစ်များ

I Jisobha 9:7

bhenhobho Izalaiele nga kà mu buidisa mu ixi i nga a bhana; anga o inzo iii i nga kôlesela dijina diami, nga kà i takula dikanga, o bhu pholo iami i tunda-bhu; anga Izalaiele ua kà xala mukuâ ni Sabhu, ua kà di bhanga môndo muʼaxaxi ka madiembu oso.

Nehemiia 1:3

Anga ene a ngi tangela, exi; A xala koko, ku sengu, a kambele kuiza ku ubhika, ala mu hadi iavulu ni dilebhu; o kimbaka kia Jeluzaleme a ki bulu, o mabhitu mê a mʼoha mu túbhia.

Nehemiia 2:19

Kia kivu Sambalate, mukua Holone, ni Tobiia, mukua mbele ku Amone, ni Ngeseme, mukua Alábia, a tu mona ulalu anga a tu bhanga kasekelelu, exi: Enu mua mu bhanga kima kiahi? Muandala mu kitukila sobha, kuambe?

Jisálamu 80:6

Tua di bhange tu kikuma kia jimvunda, muʼaxaxi ka athu u tua tungu-nâ; o jinguma jetu ji tu bhanga kasekelu muidiʼâ.

Jisálamu 89:41

Oso a bhita njila, a mu bhûnda-bhûnda; ua sebuka bhu pholo ia athu a tungu-nê bhua zukama.

Izaía 43:28

Kienhiki ue o makota ma thembulu nga a sebulula; o Jakobo nga kà mu bhubhidila, o Izalaiele nga kà mu ta mondo.

Jelemiia 24:9

Anga ngʼa bhakula phala nʼa kituke kima ki kuatesa uoma, kuxixima kua mautuminu moso mu ngongo, lusebu ni Sabhu, môndo ni mázui mu ididi ioso mu nga-nda ku a takuila.

Jelemiia 25:18

Kua Jeluzaleme ni mabhata ma Juda, ni jisobha jâ ni ilamba iâ phala, ku a kitula jingundu, a di bhanga kisunji ki kuatesa uoma, ela kala muixi, a kituka kuxixima kala ki kia di monekena lelu;

Jelemiia 42:18

Mbata Jihova dia Ifuẋi, Nzambi ia Izalaiele, uambe kiki: Kala kia lunduluka o njinda iami ni kutema kuami ku thandu dia iá a tungile mu Jeluzaleme, kiene kia-nda kulunduluka o kutema kuami ku thandu dienu, se mu bokona mu Ijitu; anga mua kà kituka mu akua mázui, mu kidiuanu, enhoso a mi zemba, mu kala mu akua lusebu, o kididi kiki, ki mungu dingi mu ki mona.

Jelemiia 51:51

Mua kà kiʼamba, kuila: Sonhi ja tu kuata muene mukonda tua sebuluka; pholo ia tuʼizala jisonhi, mbata kueza akua jixi jengi mu mabhezelu a kola a inzu ia Jihova.

Kuditenda 1:11

Mundu uê uoso aia ni kukema mu kusota mbolo ia kúdia; a bhana muene ima iâ iabeta o ku ta kalu mu toloko ia kúdia, mbé kuximbakatesa o muenhu; Eie, Jihova, tongolola-kiu u ki mone, mukonda kusekala kua ngi tula-ze.

Kuditenda 5:1

Lembalala, Jihova, kia tu izʼiki! Tongolola hanji, utale o mondo ua tu tula!

Izekiiele 22:5

O miji ioso ia ku kala bhua butu, ni ia ku kala dikanga, ia kʼènda ni ku ku ta muôndo, eie uene ni fuma ia ibha, uezala ni kikenene.

Izekiiele 35:12

Anga eie ue ua kà kʼijiia kuila eme ngi Jihova, ngʼevu o jindaka jé joso ji ua xingi ku milundu ia Izalaiele, uixi: A i sengulula kiá, ia a tu bhana-na-iu etuʼene phala kúdia kuetu.

Izekiiele 36:15

Anga ngi bhangesa kuila momuʼé ki mungu dingi evua-mu akua matumbu kuta muôndo; o malebhu a ifuẋi kuanda ku ambata dingi ku thandu dié, mba ue u zubha dingi o tuana tua akua muiji ué-emuène, Jihova Nzambi ua ki tange.

Izekiiele 36:3

Kala kiki, eie zambula u tange, kuila: O Jihova Nzambi uambe kiki, uixi: Mukonda muedi a mi buikisa, o mu jimbandu joso a mi sanujuna, mbé mu xalele mu undundu ua masubhu a miji, ia a muia ni ku mi koka-koka kuala o mizumbu ia akua jimbuembue, ni ku mi sebulula kuala o mundu,

Daniiele 9:16

Jihova tata, mukonda dia jihenda jé ja vulu kinéne, sondolola njinda ié ni kutemanana kuosʼuku ku ua tula ku thandu dia dibhata dié dikôla Jeluzaleme, uene ku mulundu ué uangene; mukonda o ki tualʼiki ituxi ietu, ni ikuma ia jitata jetu, iabheka môndo kua Jeluzaleme ni ku mundu ué, ala ku tu ta-u muene kuala athu oso u tua tunga-nâ a tu kondoloka mu jimbandu.

Sofoniia 3:18

Ió oso a luuala ni malamba momué, mukonda ku dibhongolokelu dia ujitu a a katula-ku, eme nga kà a bhongolola dingi; ió oso a ku tokala eie ene ku a bondeleka.

Zakadiia 8:13

Anga kia kà bhita-phe kiki, eie bhata dia Juda ni eie bhata dia Izalaiele, kuila, kala kioso ki mua kexile mu akua mázui muʼaxaxe ka miji iengi, kiene ue ki nga kà mi bhulula anga mua kà kituka dibesá muʼaxaxe kâ. Ki mu kale-phe ni uoma, maku enu a suine muene.

Matendelelu 28:37

Kuabhu-phe, ua kà di bhanga u kidiuanu, uà kà kituka u musoso, ua kà kala u kima kia jingolela muʼaxaxi ka ifuẋi mua-nda kuà ku bheka kuala Jihova.