Jisálamu 79:12 - O Mikanda Ikola

¹² Athu engiʼó u tua zukama-nâ a fute lusambuadi bhu homba iâ, o kusebha kuâ kua ku ku tobhesa eie u Ngana.

Jisálamu 79:12 ပူးပေါင်းရင်းမြစ်များ

Dimatekenu 4:15

Ngana anga u mu ambela, uixi: Mukonda dia kiki, uoso u jibha Kaini, kaxti-ku kê ka kala mu lusambuadi. Ngana anga u ta kijimbuete kua Kaini, phala uoso u mu tuuama, ka mu jibhe.

Jisálamu 44:16

Mukonda dia dízui dia ió u ta o jisèka, ni kunonga; mukonda dia nguma, ni mukua kutatela o phonzo.

Jisálamu 74:10

Mbambe, bhebhi, Ngana Nzambi ni ku tu sebulula kiki kuala o nguma? Mbé o nguma kífua u ẋonguena o dijina dié sé dizubhilu?

Jisálamu 89:52

Jihova-phe a mu tanese sé dizubhilu. Euá! Amén!

Jisabhu 6:31

Maji, se a mu sange, ua-nda kufuta lusambuadi; soua ioso ia dibhata diê iia-mu.

Jelemiia 32:18

Eie jihenda jé uene muji kuatela jimidi ja vulu, anga u vutuila phonzo ia jitata bhu nzemba ia anʼâ anda ku a bhingana ene; Kutende! Nzambi ia kutena! Ua bhingi dijina diê muene Jihova dia Ilombo Ieta.

Izekiiele 35:12

Anga eie ue ua kà kʼijiia kuila eme ngi Jihova, ngʼevu o jindaka jé joso ji ua xingi ku milundu ia Izalaiele, uixi: A i sengulula kiá, ia a tu bhana-na-iu etuʼene phala kúdia kuetu.

Izekiiele 36:7

Kala kiki, o Jihova uambe kiki, uixi: Eme nga leka o lukuaku luami, mbé o akua matumbu ala mu jimbandu jenu, ambate o lusebu luâ ku thandu diâ ene muène.

Ijila 26:21

O ki muila-phe mua jijila muene o ku di thathamesa nʼEme, o ku ngʼivua nguenu, ngi mi solomuena kiá mabhebhu makala lusambuadi dingi mu kubhinjika, kala kioso kiafuama mu ituxi ienu.

Ijila 26:28

Eme uami ngi ẋinukina-ku kiá muene, mu ku mi bhanga kiaiibha; anga ngi mi beta dingi mu lusambuadi lua tundu akuâ, kingumba o ituxi ienu.

Luka 6:38

Bhanenu akuenu, enu uenu Nzambi a mi bhane. Kienhiki-phe Nzambi ua-nda ku mi bhana kizongelu kiambote, kiòbate, kiòsakese, kia ẋamuka, a mi bhana bhu homba ienu. Mukonda ioso o nzôngo i mua zongela akuenu, iene ue Nzambi ia mi zongela enuʼenu.