Jisálamu 79:1 - O Mikanda Ikola

¹ Ngana Nzambi matumbu a bokona mu undundu ué; o Tembulu ié ikôla a i fukula; Jeluzaleme a i bhange ibhela-ibhela ia jindunji ja matadi.

Jisálamu 79:1 ပူးပေါင်းရင်းမြစ်များ

II Jisobha 24:13

O jimbongo joso ja inzu ia Jihova ni jimbongo joso ja dibhata dia sobha, ua ji katula iú uai na-ju; o itutu ioso ia ulu ia bhangele Solomá, sobha ia Izalaiele, ua i bula-bula kala kiambe o kizuelu kia Jihova.

II Malunda 36:17

Mukonda Jihova ua bhangesa sobha ia jikaldeu kubanda o minzangala iâ, muene iu ua i jibha ku xibhata, mu inzu ia dibhezelu diê; o minzangala ia mala muene ka i kuatela dingi henda mba o ilumba, mba adiakime a kuka kiá, mba ikulakaji ia kukidila; maji ene oso ua a bhakula bhu lukuaku luê.

II Malunda 36:19

O inzu ia Jihova anga a i oha, o imbaka ia Jeluzaleme hé a i bula-bula; o jinzu jê joso ja matala a ji oha mu túbhia, ni itutu iê ioso ia makembu a i jikinisa ue.

Jisálamu 50:1

Kutende, Ngana Nzambi, Jihova, ua zuela; uexana ixi ioso, tunde ku tundila o dikumbi, katé ku dʼila.

Jisálamu 78:71

Ua mu katula mu kuendesa jimama ja jimbudi ni tuana tuâ, phala kukala mubidi ua Jakobo, o mundu uê uangene, ni Izalaiele dia undundu uê.

Makatukilu 15:17

Eie hinu u a bokuesa, u a phapha, ku mulundu ué ua undundu. U a bhaka bhu kididi ki ua solo, u Jihova, mu kala kibúta kié, bhu dibezelu dié, Ngana, dia tunga o maku mé.

Izaía 47:6

Nga thathamana kiavulu ni mundu uami, undundu uami nga u kasanesa, eme nga ku bhakuila-nâ bhu lukuaku lué; eie-phe ngué ku a kuatela jihenda, katé ni ikulakaji, akuka, ua a tuika kimbamba kia neme.

Izaía 63:18

O povo ié iangene, o undundu ué a u vuile ngó kathangana kôfele; jinguma jetu a titidila kididi kia dibhezelu dié.

Jelemiia 26:18

Mikeia dia mukua Molaxita ua zambuile mu izuua ia Ezekiia, sobha ia Juda, anga u tangela mundu uoso ua Juda, uixi: Jihova dia Ifuẋi uambe kiki: Ziione a kà mu dima kala mukáu, Jeluzaleme ua kà kituka ndunji ja matadi, o ditala dia inzu iii dia kà di bhanga kala dilundu mu ditutu.

Jelemiia 39:8

Akua Kaldeia anga oha inzu ia sobha mu túbhia ni jinzu ja mundu uoso, o imbaka ioso ia Jeluzaleme hé a i bula.

Jelemiia 51:51

Mua kà kiʼamba, kuila: Sonhi ja tu kuata muene mukonda tua sebuluka; pholo ia tuʼizala jisonhi, mbata kueza akua jixi jengi mu mabhezelu a kola a inzu ia Jihova.

Jelemiia 52:13

Anga uoha inzu ia Jihova ni dizemba dia sobha, kumoxi ni jinzu joso mu Jeluzaleme; jinzu joso ja adiakime ua jiʼoha mu túbhia.

Kuditenda 1:10

Jeluzaleme ima iê ioso ia matunda ia kexe na-iu, kisuéia ua sunununa o lukuaku luê mu ku mu tambula-iu; uamono muene o matumbu kia bokona mu kididi kiê kiangene; ene-phe o matumbu u uambele eie, kuila ka bokone bhu kionge kié.

Izekiiele 9:7

Uixi: Inzu kasanesenu-iu muizalese o malumbu mê ni imbi, mu tunde. Anga a tunda a kuata kujibha mu mbonge.

Mikeia 3:12

Uila kiki, mukonda dienu, Ziione hádia a mu dima kala mukáu ua hatu, Jeluzaleme ua kà kituka jindunji ja matadi, o mulundu bhuala o inzu ienhiʼii, bhua kèla kala muxitu bhu thala ia milundu.

Luka 21:24

Mundu anda kubuila ku mazu a xibhata; amukuá kuia ku ubhika mu jixi joso. Jeluzaleme-phe ia kà xala mu ku i titidila kuala akua jixi jengi, a kambe kuijiia Nzambi, katé kia kà bhua o thembu ia akua jixi jengi.

Dijingunuinu 11:2

Maji o lumbu luê-phe, ku kanga dia Tembulu lu xale, kana ku lu zonga, mukonda a lu bhana o matumbu a-ndu kala mu kutitidila o Mbanza Iangene ikôla mu makuinhi auana a mbeji ni kiiadi.