Jisálamu 78:72 - O Mikanda Ikola

⁷² Davidi anga u kala mubidi uâ, ni muẋima uatenena, ua endesa muene ni maku a hete.

Jisálamu 78:72 ပူးပေါင်းရင်းမြစ်များ

II Samuuele 8:15

Davidi anga u kala mu tumina Izalaiele ioso; Davidi u batula milonga, u kumbidisa o kidi muʼaxaxi ka mundu uê uoso.

I Jisobha 15:5

Mukonda Davidi ua bhanga jinga kia iukila ku mesu ma Jihova, ka bhambukile ku ima ioso ia mu tumine muene mu izuua ioso ia muenhu uê, kikale mu mulonga ngó ua Udiia, mukua Hiti, kuabhu!

I Jisobha 3:28

Izalaiele ioso anga evua o kubatula kuku kua batula muenexi, anga a kala ni uoma ua muenexi; kuma a mu mono ni kuijiia kua Nzambi kuala naku, mu kutungula ni kubatula o kidi.

I Jisobha 9:4

Eie muene-phe se uenda jinga bhu pholo iami ni kivimba kia muẋima ni uthu ua tenena, kala kiendele tatʼenu Davidi, anga u bhanga jinga ima ioso i nga ku tumu, anga u bhaka itumu iami ni jiphangu jami,

Jisálamu 75:2

Eme kioso ki ngi bhixila bhu thembu iatokala, kiene ki ngi batula o milonga mu uiukilu uê.

Izekiiele 34:2

Eʼ monʼa muthu, tá muzambu ua kuzoka ni abidi a Izalaiele; zambula, u tangele abidi, uixi: O Jihova Nzambi, uambe kiki: Lamba dia abidi a Izalaiele a mu dʼingâ ngoho ene! Manhi o abidi kène mu kuinga o jimbudi?

Jipoxolo 13:22

Kia mu katula-ku, Nzambi ua zangeleka Davidi kukala sobha iâ. Anga u mu kalela mbangi, uixi: Nga bongo Davidi, mona Jese, muthu ua ngi zelela ku muẋima, u bhanga ima iami ioso i ngandala.

Jipoxolo 13:36

Kuma ni kidi, Davidi kia zubha ku di tuma ni Ngana ku muiji uê, uaia ku kilu, iá a mu tula ni jitata jê. Kalunga ka mu sekumuna muene.

II Timote 2:15

Kala ni muanu ua ku dʼidikiza kua Nzambi u muthu a ku lola, a ku mono kuiuka; u mukalakadi kua bhange kima kia tena ku ku kuatesa jisonhi; u mukua kulonga kiambote o maka ma kidi.

Tiiaku 1:5

Maji se sai muthu mudienu ua kambe unjimu, a u bhinge Nzambi, muène anga u mu bhana-u. Mbata muène u bhana kiavulu, mukua kuila ene oso u a bhana ni vondadi, kene mu baúla muthu.