Bhu kizuuʼokio, sambuadi dia muhatu dia kà jijila diiala dimoxi, exi: Etu o kúdia, tudia jinga mu konda ietu, kuzuata tu di-zuika jinga etu-ene; hé kima, eie tu xikine ngó, a tu ijiie kuamba tu akajiʼé; katula ngó dilebhu dietu.
Mbata Jihova dia Ilombo Ieta, uambe kiki: O Nzambi ia Izalaiele, uixi: Talenu mu izuua ienu muenhumu, nga-nda ku bhuisa-ku, bhu kididi bhabha, o dízue dia kutana ni dia kutonoka, ni dízui dia ngaiala ni dia dibhanga, ku mesu menu.
O nzongo ia kutonoka, ni nzongo ia kusanguluka ni nzongo ia mabhanga, ni kilungutu kia matadi a ku huhila ni mukengeji ua kandeia, nga-nda ku i fuisa-mu, mu kaxi kâ.
Hé nga kà zumbula o dízui dia kutonoka ni dia kusanguluka mu madiembu ma Juda ni mu jinzunga ja Jeluzaleme, ni dízui dia ngaiala ni dia dibhanga: mbata oxi ia-nda kua kà di kuata mukondo.
Kifuẋi anga ki kala mu longolola, a zuela ima iaiibha mu mátui ma Jihova; Jihova-phe kia kʼivu njinda i mu kuata; túbhia tua Jihova anga tu uama muʼaxaxi kâ, o bhua suku kilômbo, hé enda ni kuaúka.
Jihova phe ka-nda kuẋikina ku mu loloka! inda o njinda ia Jihova ia-nda kuuama, kia ta-ku o difuba diê, mázui moso-phe mòsoneke mu divulu didi ma-nda kuiza ku thandu dia muthu ió, anga u tala na-u hadi; Jihova u mu jima o mbutu bhoxi dia diuluʼabha.
Kuma kiene ki ngalʼiki njinda iami iauama túbhia, tua kà uama muene, katé tua bhiẋila mu jihota joso ja mukiukuluku; phala kubuikisa oxi ni funza iê ioso; ni ku jikatesa o madisesa ma milundu.