Jisálamu 78:58 - O Mikanda Ikola

⁵⁸ A mu kuatesa njinda ni matala mâ ma kubheza mahamba, a mu bhekela difuba ni iteka iâ iósete.

Jisálamu 78:58 ပူးပေါင်းရင်းမြစ်များ

I Jisobha 11:10

Ni ku maka enhá kia mu kidikile kuala Ngana uixi kana kuenda jinga ni kukaiela jinzambi jengi. Maji o muene-phe, kia mu tendelela Ngana, ka ki aiuka.

I Jisobha 11:7

Bhenhobho Solomá, ku mulundu uala ku pholo ia Jeluzalame hé u tunga-ku kididi kia ditala, phala Kamo, o kisunji kia akua Mouabhe, ni kia Moloke, o kisunji kia anʼa Amone.

I Jisobha 12:31

U bhanga ue jinzo ja kubhezela mu ididi iala matala a di leka; anga u bhanga ue o jinganga ku athu a ngoho oso-oso mu kifuxi, kʼa tokalele ku anʼa Levi.

II Jisobha 17:9

O mu kasuèkele ue, anʼa Izalaiele a bhanga jinga ima ia ibha kua Jihova, Nzambi iâ; o mu jimbonge jâ joso a bhiti ni kutunga-mu matala tundé bhu inzu ia matala ia kilangidilu katé ku mbonge iâ ia nguzu.

II Jisobha 21:7

Ua-te ue kiteka kia kusonga kia muxitu ua iudikile muene mu inzu ioio ia Jihova ia tangelele Davidi ni monʼê Solomá, kuila: Mʼonzo mumu ni mu Jeluzaleme i nga solo mu miji ioso ia Izalaiele, muene mu nga-nda ku-ta o dijina diami, katé ku hádia.

II Malunda 21:11

Iu ua bhange ue matala mu milundu ia Juda; ua bhangesa akua Jeluzaleme kutondala ni akua Juda ua a bhangesa kukaiela kienhiki.

Jisálamu 79:5

Ngana, tata, mbambe bhebhi, bhu u suka ni njinda ié? Difuba dié di uama kala túbhia, kifua ki di jimi dingi?

Jisálamu 97:7

Jisonhi ji kuata oso a bheza o mahamba maseta athu, oso a di fiiala o iteka; u kôla-ze iú, enu mu nzambi jengi; enu oso diundenu bhu pholo iê.

Makatukilu 34:14

Mukonda eie, Izalaiele, kana ku bheza jinga nzambi iengi, kuma Jihova dijina diê Difuba, ka ẋikina kuila ku kala mukuâ, mukonda muene Nzambi ia Difuba.

Jelemiia 8:19

Ivua o nzongo ia mona a kilumba kia mundu uami, ku ixi ia makanga! Jihova kifua mu Ziione kala-mu? Sobha iê kene-mu? Mukonda diahi-phe a ngi lokalala, njinda a i balumuna ni iteka iâ ia kuseta, ni ukumbu ua iteka ia akua jixi jengi?

Hozeia 13:2

O kiki-phe ituxi ia mu di vuala dingi, a nomona ku phalata iâ anga a di bhangela kiteka kia kuzunza, a di bhangela muene iteka ia solo ku miẋima iâ, iene ioso-phe ima iòkalakale ku maku ma jihete ja ufunu, anga aia ni kuila: Enu mu athu satelenu ku jinzambi jiji, bhanenu jibeju ku tungombe tutu.

Ijila 26:30

O jikalatódio jenu ngi ji lundumuna, o jiphiladi jenu ji mua tela o dikumbi, ngi ji muanga-muanga; o imbi ienu ngi i lumala kuthandu dia imbi ia jinzambi jenu; ni muenhu uami uene ki ua-nda ku mʼinda dingi.

Dialuilu 33:52

akua-xi momo, mua kà a kaiesa oso bhu pholo ienu, iteka iâ ia matadi mu i bula, iteka iâ ia utadi uóuiẋike mu i bhuisa-bhu, matala mâ ma mahamba mu a sengulula;

I Kolindo 10:22

Inga tua mesena kuila Ngana tu mu bhekela difuba? Enu mua xinganeka kuila etu kifua tua mu tundu mu kusuina?

Matendelelu 12:2

Ididi ioso akua jixi u mua-nda kutolola enu, mua bhezela jinga o mahamba mâ, enu mua kà i sengulula muene,

Matendelelu 12:4

Ki kiene-phe ki mu bhanga ni Jihova Nzambi ienu.

Matendelelu 27:15

Lamba dia ió uoso u iudika kiteka, kia kusonga, mba kia kuzunza, kia di zemba na-kiu Jihova, ufunu ua hete, anga u ki tula bhu hota mu kasuekele. Mundu uoso-phe a kà tambuijila ni kuila: Amén!

Matendelelu 32:21

A ngi ta ku difuba ni kima kia makutu, kala Nzambi ue; ima ia kingoho iene ia ngi lokalala-na-iu; Eme-phe ue nga-nda ku a ta ku dixinga ni athu kʼa kidi ngó; muiji ua juuala uene u nga-nda kua ẋokuesa-na-u.

Afundixi 10:6

Anʼa Izalaiele anga a tona dingi kubhanga kiaiibha mu mesu a Jihova, a kala mu bhikila Jibaale, ni Jitalote, o iteka, ni jinzambi ja Sídia, ni jinzambi ja Sidone, ni jinzambi ja Mouabhe, ni jinzambi ja anʼa Amone, ni jinzambi ja akua Fidíxia, Jihova anga a mu baluka, a mu xa, ngua-uâ ku mu bheza.

Afundixi 2:17

Maji ene hanji-phe, nguauâ né ngó kuívua afundixiʼâ; kuma a kala mu bhanga undumbu ni jinzambi jengi, a ji fukamena; kindala a bhambuka kiá mu njila mua kexile kuenda o jitata jâ, ia kutumaka o ijila ia Jihova; ene-phe a bhanga kiengi, a lémbua kubhanga kia bhanga jinga o jitata jâ.

Afundixi 2:20

Njinda ia Jihova anga i uama ku thandu dia Izalaiele, uixi: Mukonda dia mundu uenhú kutondala kikutu kiami, kioso ki nga lekela o jitata jâ, ni kukamba kuívua dízui diami;

Afundixi 3:19

Muene anga u vutukila bhu matadi a iteka ia kusonga, bhu Jidingale, anga u mu ambela, uixi: Sobha ngala ni njimbu ia ku ku tudila, i tokala bhua kondama ku ubheka. Muene anga u tuma, uixi: Dixibhe. Ene oso a mu imanena anga a tunda bhu kanga.