Jisálamu 78:49 - O Mikanda Ikola

⁴⁹ U a kuuila ku thandu diâ o njinda iê iatema, ni dibhebhu, ni uíndua, ni kibuika; kibuka kia ji-anjo a a tumu muene kubuidisa.

Jisálamu 78:49 ပူးပေါင်းရင်းမြစ်များ

II Samuuele 24:16

Kioso kia zenga anjo lukuaku luê ku thandu dia Jeluzaleme mu ku i buikisa, Jihova u diela divuua dia bheka, anga u ambela anjo iala ku buikisa, uixi: Kuabhu! Lukuaku lué lu suke bhenhobho! Anjo ia Jihova anga i suka bhu dibhiatelu dia Alauna, mukua Jebusi.

Jobe 1:12

Ngana anga uambela Satana, uixi: Tala, ima ioso iala na-iu, iala bhu maku mé; inda kua muene ku te-ku lukuaku lué. Satana anga u tunda bhu pholo ia Ngana.

Jobe 20:23

Ku kala-phe hanji ima i tena kuizalesa o divumu diê, Nzambi ua kà mu tumikisa o kutema kua njinda iê, anga i kala mu kunoka ku thandu diê, kioso kia kala mu kúdia.

Jisálamu 11:6

Enhó a bhumu hinu u a nokesa mvula ia makala ku thandu diâ, ni túbhia ni xofidi, kumoxi ni kitembu kia kibhungu kia dikota; ene o mahitula a a lungila mu nganza iâ;

Makatukilu 12:13

O manhinga-phe ma kale kijimbuete ku jinzo joso mu mualʼenu; o ki ngi mona manhinga ngi mi somboka, kana dibhebhu di mi tula enu mu ku mi buidisa, kioso ki ngi kuama o ixi ia Ijitu.

Makatukilu 15:7

Mu kuzangalala kué kuavulu, ua a tolola oso ambe ku ku kitukila; ki ua a tumikisa o njinda ié, ene abhi kala maxinde a kitumba.

Izaía 42:25

Kiene kia bhangesa Jihova ku a lunduluila o kutema kua njinda iê, ni kusuina kua ita, iu ua a te mukonda ua milengo mu jimbandu; maji hanji-phe a ẋinukʼâ; iu ua a oha-phe, maji ene-phe ki kia a kuatela kima, a lémbua ku ki ta o muẋima.

Kuditenda 4:11

Jihova ua kumbidila o njinda iê, ku muẋima kua mu zele kiua; uaiukula o mualala ua njinda iê ia uamesa túbhia mu Ziione katé ni ku madisesa bhoxi.

Sofoniia 3:8

Maji o kiki-phe, mu kizuua ki nganda kubalumuka phala kunhangumuna o mbole ia madibhundila, enu-phe ngi kingienu eme, Eme ngi Jihova, mukonda eme nga te kiá nguidi ia kuongeka o miji ioso ni kubhongolola mautuminu moso anga ngi a lunduluila mázui ni kutema kua njinda iami ku thandu diâ; mbata ixi ioso ia kà uama ku túbhia tua muanu uami u ngene na-u.