Jisálamu 78:24 - O Mikanda Ikola

²⁴ anga u a lalumuina o maná ia kúdia kuâ, u a bhanʼo masa ma tundu mu diulu.

Jisálamu 78:24 ပူးပေါင်းရင်းမြစ်များ

Nehemiia 9:15

Anga mu nzala iâ u a bhana kúdia mbolo ia diulu, o mu dinhota diâ u a katuila menha a fuáfua mu ditadi; Eie anga u a tangela kuila a bokone kiá mu tambula o ixi i nga lekela o lukuaku ni kuloka ngixi ngʼa bhana-iu muene.

Nehemiia 9:20

Anga u a bhana o Nzumbi ié iambote, mbé i a longe; o maná ié, ku a katula-iu mu kanu diâ; anga u a bhana menha mu dinhota diâ.

Jisálamu 105:40

Ene kia mu bhingi, u a bhekela tungumbe; u a ekutisa ni mbolo ia diulu.

Jisálamu 68:9

Eie, Ngana, Nzambi, ua nokesa mvula iavulu, ua nhohesa o undundu ué ua kexe kiá ni kubhuila.

Makatukilu 16:14

O kia tuka dimume, ku mavu oso a kikangala-kata kua di kuu tumbundu tuofele, tuedi kala tumbuelekese tua matadi mvula, mukuâ ni kiene kuiza mukulakaji ku mbambi iavulu.

Makatukilu 16:4

Jihova bhenhobho anga u ambela Mozé, uixi: Talesa-ze, ngi mi nokesa mbolo i tunda mu diulu; mundu a kale mu tunda izuua ioso mu i nona bhoxi, a fikise ioso ia soko ku i dia kizuua kimoxi, ngʼa lole mba a ẋikina kuendela mu ngonge iami, mba kana.

I Kolindo 10:3

Ene oso a dile kudia kuene kumoxi kua Nzambi.

Matendelelu 29:5

Makuinhi auana a mivu u nga mi endesa mu kikangalakata; izuatu ienu ki ia kukila ku mikutu, ni jisabhatu jenu hanji bhu jasukuê ki ja kukila ku kinama.

Matendelelu 8:3

Muene ua mi bateka, ua mi ehela kukala ni nzala, iu ua mi disa ni maná, enu nuka mua ijidile, né jitata jenu ue ka ijidile; phala ku mʼijidisa kuila muthu ka laiela ngó ku mbolo, maji ku ima ioso i tunda ku dikanu dia Jihova kuene kulaiela o muthu.