Jisálamu 78:21 - O Mikanda Ikola

²¹ Jihova ua kʼivu, njinda hé i mu kuata; kua uama túbhia tua kuoha Jakobo, o kuluuala kuê ku xikita dixi dia kuaula Izalaiele.

Jisálamu 78:21 ပူးပေါင်းရင်းမြစ်များ

Jisálamu 78:31

Njinda ia Nzambi ia a kuata, ni iá a disanze muene kiambote ia afua, minzangala ia Izalaiele ia a buila.

Izaía 63:10

Maji ene a baluka, a luualesa o Nzumbi iê Ikôla; kia mu bhangesa ku kituka nguma iâ, anga muene-muène u zoka-nâ.

Dialuilu 11:10

Mozé anga uívua kifuẋi, iá dila, kala muthu ni dibhata diê, bhu kanga dia fundu iê; Jihova njinda ia mu kuata kiavulu; ni Mozé kia muʼibhila.

I Kolindo 10:11

Ima ioso ienʼ iii ia bhitile ku jitata jetu mʼ ukulu, ni i kale kijimbuete ku akua, maji ima ienʼ iii-phe a i soneka phala ku tu dimuna etu. Mukonda tuala mu kithangana kia kuila o dizubhilu dia jithembu dia zukama kiá.

I Kolindo 10:5

Sumbala kiene, maji athu a uabhelele kiambote Nzambi ka vudile-ku; kiene kia a bhekelele o kubuidila mu kikangalakata, anga o mikutu iâ i di muangena momo.

Matendelelu 32:22

Kuma kiene ki ngalʼiki njinda iami iauama túbhia, tua kà uama muene, katé tua bhiẋila mu jihota joso ja mukiukuluku; phala kubuikisa oxi ni funza iê ioso; ni ku jikatesa o madisesa ma milundu.

Jihebeleu 12:29

Kuma kidi muene, Nzambi ietu tubhia tua uama, tu buikisa.

Juda 1:5

Nga bhindamena ku mi lembalesa kuila, sumbala ima ioso mua ijiia ukulu, kuma Ngana kia bhuluile o mundu uê mʼ oxi ia Ijitu, o ku pholo ku eza kunu ua a buikisa, oso a kambele o kuxikana.