Jisálamu 78:19 - O Mikanda Ikola

¹⁹ A nongena muene Nzambi, exi: Kífua Nzambi u tena ku tu tela meza, mu kikangalakata mu tualʼumu?

Jisálamu 78:19 ပူးပေါင်းရင်းမြစ်များ

II Jisobha 7:2

Maji-phe, kabhitangu kamoxi, muthu ene ku mu xamenena ku lukuaku luê kuala sobha, u vutuila muthu ua Nzambi, uixi: Tala, né-mbe hanji Jihova ua bhangele jinjanena ku diulu, o kiki ki xikina ku di bhanga? Muene-phe, uixi: Tala, ua-nda ku ki mona ni mesu mê, maji o kuene-phe kua-nda kúdia-ku.

II Malunda 32:19

O Nzambi ia Jeluzaleme anga a mu zuela muene kala o jinzambi ja akua jixi mungongo, ima ia bhange athu ni maku.

Jobe 34:37

Kuma ku kituxi kiê ua bandekesa-ku kubhukumuka; u beta jimbanda muʼaxaxi kʼetu, ni kusebulula, maka mê u ma vudisa mu ku bilukila Nzambi.

Jisálamu 23:5

Eie u ngi bhangela meza ku pholo, bhu mesu muene a jinguma jami; u ngi uaia o mútue ni maji; nganza iami iezala, ia ẋamuka.

Makatukilu 16:3

Anʼa Izalaiele anga a zuela kua ene, exi: Tamano tua fuile ku lukuaku lua Jihova, mʼoxi ia Ijitu, kioso ki tua kexile mu xikama bhu mbanduʼa jímbia ja xitu, anga tu dia o mbolo, hé tu i lémbua; enu-phe mua tu katula, enu mua tu bheka mu kikangalakatʼumu, phala kujibha o mundu uosʼú ni nzala.

Dialuilu 11:13

Eme xitu ngi i sanga kuebhi ia kubhana kifuẋi kiosuʼiki? Kuma ala ku ngi didila, exi: Tu bhane xitu, tu die.

Dialuilu 11:4

Mbutu ia iá ahuku a di lungu mu kifuẋi anga a kala ni uilu uavulu; ni anʼa Izalaiele ene a kala mu dila, exi: Nanhi u tu bhana xitu ia kúdia?

Dialuilu 20:3

O mundu anga a zoka ni Mozé, hé a zuela, exi: Tamanu tua fuile, kioso o jiphange jetu ki jafu, bhu pholo ia Jihova!

Dialuilu 21:5

Kifuẋi anga a longolola Nzambi ni Mozé, exi: Mukonda diahi ua tu katula mu Ijitu, ni tu fuile ngó mu kikangalakatʼumu? Ki mu moneka mbolo, ki mu moneka menha; ima ia maná iii ia tu kumu!

Loma 9:20

Maji eie nanhi, kamba diami, eie u muthu u kuata phata ni Nzambi? Manhi o imbia ia utuma ibhula ió ua i bhange, kuila: Eie ua ngi bhangela-hi kiki?

Dijingunuinu 13:6

Muène anga u jikula o dikanu diê mu kutanga isunji kua Nzambi, u ẋonguena dijina diê, u lebhula katé ni kididi mua tunga Nzambi, ni ene oso kia ene mu diulu.