Jisálamu 78:10 - O Mikanda Ikola

¹⁰ Kukuata o kikutu kia Nzambi, a ki lémbua, a di tunu kuenda mu ngonge iê.

Jisálamu 78:10 ပူးပေါင်းရင်းမြစ်များ

Nehemiia 9:17

Anga a dituna muene ku kuívua, o madiuanu mé u ua a bhangela, ku a xinganeka kana; anga a kolokotesa o xingu iâ mu kuxikana, o mu huka kuâ anga a zangula mutumini hé a mu ta ku pholo iâ, mu kusota kuvutukila mu ubhika uâ mu Ijitu; Maji eie-phe, eie u Nzambi ia muloloki, ia kutululuka ni henda, ua kokoloka mu kutema, uene ni unéne mu kubhanga o mbote, ku a ehelela.

Makatukilu 16:28

Jihova anga u ambela Mozé, uixi: Katé bhebhi bhu mu suka ni kuxibhaka o itumu iami ni ijiia?

Jelemiia 31:32

ki ki kala dingi kala o kikutu ki nga tele ni jitata jâ, mu kizuua ki nga a kuata mu lukuaku, phala ku a katula mʼoxi ia Ijitu; mbata o kikutu kiamiʼokio ki nga tele-nâ, ene a ki buakulula, kia tumbuluka muene, sumbale eme ngi Jihova hanji nga sakana-nâ, Jihova ua ki tange.

Izekiiele 20:21

Maji, o ana ue, a ngi balukila, a fulu kuenda mu jingonge jami, a di tunu kualuka o mabatuilu mami, a bhingi kuila se o muthu u aiuka ni ku a tumaka, muene mua muena o muenhu; ene-phe o jisabhalu jami a ji sebulula; kiene-phe ki ngʼedila ngixi: o kutema kuami nga-nda ku ku lunduluila ku thandu diâ, phala o njinda iami i di kumbidile kokuʼê mu kikangalakata.

Matendelelu 31:16

Jihova iú uambela Mozé, uixi: Talesa-ze, eie ua-nda kuia kiá ku kilu ku àia jitata jé; o kifuẋi kiki kia-nda kufundumuka mu kubhanga lubhandu lua jinzambi jengi, ja akua-jixi, kua-nda ku di telʼuku; eme a-nda ku ngi xa, o Kikutu ki nga tele-nâ a-nda ku ki bula.

Matendelelu 31:20

Mbata kioso ki nga-nda ku a tula mʼoxi i nga lokela jitata jâ, oxi i zunzumuka lete ni uiki, kia-nda kúdia, kia-nda kúnua, anga a neta mukonda dia jimbote ji nga-nda ku a bhana a-nda kulungulukila ku jinzambi jengi, anga a ji sedivila, a-nda ku ngi thathamesa, o kikutu kiami ki nga te-nâ a-nda ku ki bula.