Jisálamu 77:19 - O Mikanda Ikola

¹⁹ Uendelu ué, Ngana, ua bhiti mu musanza ua kalunga, njila jé ji tandula mu kaxi ka mabhuku, manhanhu mé ka tena ku a mona.

Jisálamu 77:19 ပူးပေါင်းရင်းမြစ်များ

II Samuuele 22:8

Bhenhobho ixi anga i tunguta, i kala mu zemana, madisesa ma diulu ma zamba, anga ma tunguta, mukonda njinda ia mu kuata.

Nehemiia 9:11

Eie anga u bula o musanza ua kalunga bhu pholo iâ, ene hé a bhita mu kaẋi ka kalunga, bhoxi diòkukutu; a kexile mu kuiza ni ku a kaiela, anga u a bobesa mu dikungu dia zongo, mukua ni ditadi dia sonokena mu mafutʼa menha.

Jobe 23:14

Mukonda o ioso iâ ngi xinda, muene ua-nda ku i kumbidila muene; ni ima dingi ia vulu, iala na-iu hanji muene, ia di fu kala iii.

Jobe 36:29

Mbebhu muthu u tena kutongolola kioso kia mu futunuka matuta, ni inuminu ia balaka iê?

Jisálamu 104:32

Ua bhingi se oxi u i zongola, i teketa; milundu u i bhabha, i fuafua dixi.

Jisálamu 29:10

Jihova ua xikama bhu kiandu kiê kia bhita o dilúvio; ni kiki hanji ueniê ku ungana, o mivu iê ki ià bhua.

Jisálamu 97:2

Ni matuta ni kitombe a mu bhaka mu kaẋi; kiandu kiê kia di fikidila mu kubatula mu kidi ni kukumbidila.

Jisálamu 97:4

Jinzaji jê ji telaka mu ngongo; ixi ia ki mono, ia teketa.

Makatukilu 14:28

Kuma menha ma vutuka, makalu ma boba, ni asambedi a jikabalu, ni kilômbo kioso kia Falaó, ene oso a kaiela ni kukutuka mu kaẋi ka kalunga; né muthu ngó ka subhuka-ku.

Makatukilu 19:18

Mulundu uoso ua Sinai anga u kala mu tuka dixi, mukonda Jihova ua tulukila ku thandu diê muʼaxaxe ka túbhia, dixi diê anga di banda kala dixi dia kidijiku kionéne mulundu uoso anga u teketa, uia ni kutunguta kiavulu.

Habakuke 3:15

Eie-phe, ni tubalu tué, uendela ku thanduʼa kalunga ka musanza ua imenha iavulu kinéne!

Loma 11:33

O jimbongo ja Nzambi kuvula kuahi! Kuzonga kuahi o unjimu ua Nzambi, ni kuijiia kuê! Mukuahi u tena kulombolola o kaiula kê? Nanhi u tena kutongolola o ikutu iê?