Jisálamu 77:18 - O Mikanda Ikola

¹⁸ Dízui dié dia kunumina a dʼivila mu kibhungu; kutelaka kué kuazelesa mu ngongo ioso; o ixi i zamba, i tunguta.

Jisálamu 77:18 ပူးပေါင်းရင်းမြစ်များ

II Samuuele 22:14

Jihova anga u numina ku diulu, ua tundu ene oso u bhana mutemdu, ua bhangesa kuívua o dízui diê.

II Samuuele 22:8

Bhenhobho ixi anga i tunguta, i kala mu zemana, madisesa ma diulu ma zamba, anga ma tunguta, mukonda njinda ia mu kuata.

Jisálamu 104:7

O ki ua a tumu dingi, a lenge; evu ngó o dízui dia kinuminu kié, exi etu tu texe-ú.

Jisálamu 18:14

U asa mifula iê, hé u a muanga, nzaji i telajaka katé a bhuuama.

Jisálamu 18:15

Koxi a menha anga ku moneka ni kioso ki enda jihonga jê, kibumu kia xala mu kanga katé ku disesa diê, mukonda dia kubazela kué, u Jihova, mukonda dia muha u fuafua mu mazuluʼé.

Jisálamu 18:7

Bhenhobho ixi i tunguta, hé i teketa; madisesa ma milundu ma setuka bhu kididi; kua teketa mukonda njinda ia mu kuata.

Jisálamu 97:4

Jinzaji jê ji telaka mu ngongo; ixi ia ki mono, ia teketa.

Makatukilu 19:16

Anga ki bhita-phe kuila, mu kizuua kia katatu ki kuandeka ngó kúkia, kua kuata kunumina ni kutelaka jinzanji ku mulundu ni dituta dia kitombe (dia bhiti-ku), ni koloneta ia xiki ni dízui dia suina kiavulu. Katé ni mundu ala mu kibangu a kala mu teketa.

Makatukilu 19:18

Mulundu uoso ua Sinai anga u kala mu tuka dixi, mukonda Jihova ua tulukila ku thandu diê muʼaxaxe ka túbhia, dixi diê anga di banda kala dixi dia kidijiku kionéne mulundu uoso anga u teketa, uia ni kutunguta kiavulu.

Habakuke 3:4

O kubenha kuê kuèla kala mukengeji, jinzanji jikala mu tunda bhu lukuaku luê; bhenhobho bhene bhua suama o kutena kua nguzu iê.

Matesu 27:51

Kibatulu kia Tembulu anga ki tanduka mu ʼaxaxe, tunde ku thandu katé bhoxi. Oxi anga i tunguta, matadi ma baza;

Matesu 28:2

Talesa-phe, oxi ia tungutile kiavulu. Mukonda anju ia Ngana ia tulukile ku diulu, iu ueza, ua kundumuna o ditadi, hé u xikama-ku.

Dijingunuinu 11:19

Tembulu ia Nzambi iene mu diulu anga a i jikula bhenhobho, o álaka ia kikutu kiê anga i moneka mu Tembulu. Anga ku kala jinzaji, ni mazui, ni inuminu, ni kizema-zema kia ʼxi, ni mvula iavulu ia matadi.

Dijingunuinu 18:1

Kia bhiti imʼíii, nga mono anju iamukuá iala mu tuluka ku diulu. Muenhú u kala ni kijîngu kiavulu, mu ngongo ioso anga mu di muika ni kubenha kuê.

Dijingunuinu 20:11

Kia bhiti imʼíii, nga mono kiandu kia dikota kizela, ni muène ua xikama-bhu. O mu kulenga pholo iê, oxi ni diulu ia jimuka, ki ia moneka dingi ku mesu.

Afundixi 5:4

Há! Eie u Jihova, ki ua tundile ku Seíle, ki ua kuata kuenda mu mukáu ua Edomo, oxi ia tunguta, katé ni maúlu ma zenzama ni kumbomba menha, o matuta mavundu ma sonona menha.