Jisálamu 77:12 - O Mikanda Ikola

¹² Ngi xinganeka ue ku ima ioso i uene kuiudika, ngi ta muẋima ku ukalakelu ué ua madiuanu!

Jisálamu 77:12 ပူးပေါင်းရင်းမြစ်များ

Jisálamu 104:34

O kubanza kuami kua muẋima kua muene, ku kale kua kusanguluka; ngi sangulukila jinga kua Jihova.

Jisálamu 105:2

Mu imbidienu, imbenu ni ku mu ximana; tenu maka ma imbamba iê ia madiuanu.

Jisálamu 105:5

Xinganekenu o madiuanu mê ma bhanga jinga; ni isuma iê, ni kuzuela kuê mu batula o milonga,

Jisálamu 119:52

Ioso ia ua lekelʼeie tunde mʼokulu, iene i nga lembalala, u Jihova; iene ia ngi tululula o muẋima moxi.

Jisálamu 143:5

Ngi lembalala o izuua ia xahulu, ngi xinganeka o ima i ua bhanga jinga; ngi banza o ufunu ua maku mé.

Jisálamu 145:11

A kà tumbula o fuma ia ungana ué, a kà ta maka a nguzu ié.

Jisálamu 145:4

Muiji umoxi u tanga o ikalakalu ié, muiji uamukuá nʼa ijiie, ni undanda ué u uene mu kubhanga.

Jisálamu 71:24

Mu tanga jinga o kukumbidila kué, dimi diami di sakalala, né mu kumbi dia kambàmba; kuma enhó a lémbua-ku, a diuana, sonhi ja a kuata, oso a sotele ku ngi bhanga o phulu.

Izaía 63:11

O ki eza-ku-phe, ua lembalala mu xáhúlu, kia kexe Mozé, ni mundu ué. Uixi-phe; O ki tualʼiki, iú kuebhi uoso ua zaukixile mu Kizanga kia Kalunga o mubidi ua kilunga kiê? O ua tele o Nzumbi iê Ikola muʼaxaxi kâ uala kuebhi?

Matendelelu 6:7

Anʼé u a longa muene o ku a bhaka ni ku a kumbidila; o ki u xikama mʼonzo ié, banza maka enhá; o ki u kala mu kuenda njila, enda ni maka enhá; o ki u zeka, zeka ni maka enhá; o ki u balumuka ku kilu, kuata maka enhá.

Matendelelu 7:18

Kana, kua a kuatela ngó uoma, Lembalala kioso kia bhange Jihova Nzambi ié kua Falaó ni ku Ijito ioso.

Matendelelu 7:19

Ni jipolova ja makota jiná ji ua di muena éʼmuène ni mesu mé ni isunji ni madiuanu, ni lukuaku lua suina lua Jihova Nzambi ié lua ku katula na-iu mu Ijito; kiene ue kia-nda kubhanga Jihova Nzambi ié, ku ifuẋi iene iosuʼoio, ia mi kuata uomaʼleluʼidi.