Jisálamu 75:7 - O Mikanda Ikola

⁷ Mukonda Nzambi muene ngó o mufundixi u tetulula; u tulula o muthu iú, u tudika o muthu ua mukuá.

Jisálamu 75:7 ပူးပေါင်းရင်းမြစ်များ

II Samuuele 5:2

Mu thembu iabhiti, kia kexi hanji Saúlo ku ungana, eie muene ua kexe mu tuamenena Izalaiele mu kutunda ni mu kubokona; Jihova ue ua ku ambelele, kuma: Eie uà kala u mubidi ua mundu uami Izalaiele, eie uà kala u mutuameneni ua Izalaiele.

II Samuuele 6:21

Davidi anga u ambela Mikala, uixi: Nga ki bhangela o kusanguluka bhu pholo ia Jihova, ua tenene ku ngi tungula eme mu ku tùnda tatʼenu ni dibhata dioso, ni ku ngi tumbika kukala ku pholo ia mundu uangene ua Jihova, uene ua Izalaiele; kiene ki nga tonokena bhu pholo ia Jihova.

Jisálamu 147:6

Jihova u zangeleka ió a di tululula; abhukumuka-phe u a tununa muene katé bhoxi.

Jisálamu 50:6

Kiókole ku diulu o kutetuluka kuê; kuma Nzambi muène, muene u kala mufúndixi. (Selah.)

Jisálamu 58:11

Bhenhobho athu a kèla, kuma: Kidi muene, sai dilau dia xikamena muthu uaiuka. Mbé kidi muene, sai-ku Nzambi mukua kubatula o milonga mu ngongo.

Daniiele 2:37

Eie, muenexi, u ngana ia jingana muene; kuma o Nzambi ia diulu ua ku bhana utuminu ni ukuenze, ni undanda, ni ulâmba.

Daniiele 5:18

Kaxi eie, u sobha, Nzambi Sukeku, uabhele tatʼenu Nabukodonozolo o utuminu, ni ulâmba, hi kijingo ni kizunda.

Luka 1:52

Anʼa jingana ua a tulula ku iandu, iú ua bandesa-ku a tolo o majina.

Nzuá 15:16

Ki enu mua ngi solo eme. Maji eme nga mi solo enu, eme nga mi tumu ni muende ni kubhana ibundu, o ibundu ienu ni i nange, i kambe kuzangiua. Ni ioso ue i mu bhinga Tata mu dijina diami, muène ni a mi bhane-iu.

Loma 11:15

Mukonda kioso o Jijudé kia a kaie, o mundu ua biluka makambʼ a Nzambi. Kia kà bhita-phe kiebhi hinu Jijudé kia kà a xikina dingi? Kia kà kala muenhu phala oso afu kiá!

Ngalásia 1:15

Maji bhu kithangana-phe kioso kia solo Nzambi, ua ngi tungula tundé mu divumu dia mamʼ etu, iú ua ngʼ ixana mu kiadi kiê phala ku mu bhikila.

I Samuuele 15:23

Kuma o kuxibhaka mukuâ ni kituxi kia uoloji; o kubhukumuka, mukuâ ni kudianguka ni iteka mba kubheza mahamba mʼonzo. Kaia kiki, mukonda eie ua ditunu kuíva o kizuelu kia Jihova, muene ue ua ditunu ku ku bhaka ku usobha phala ku kale dingi ku ungana.

I Samuuele 15:28

Kienhoko Samuuele anga u mu ambela, uixi: Jihova ua ku tandula lelu ungana ua Izalaiele, iu ua u bhana mukuenu uengi ua ku tundu mu kuiuka.

I Samuuele 16:1

Jihova anga u ambela Samuuele uixi: Ua-nda kusuka bhebhi ni kudila Saúlo, se ki tualʼiki eme nga mu ditunu ku ungana ua Izalaiele? Izalesa lumbinga lué ni maji, uize. Eme nganda ku ku tuma kua Jese, mukua Beleme; mukonda nga solo sobha iami muʼaxaxi ka anʼê.