Jisálamu 75:1 - O Mikanda Ikola

¹ Tua ku sakidila, eie u Nzambi, tua ku sakidila! Kuma dijina dié dia zukama; kia di monekena mu ikalakalu ié ia madiuanu!

Jisálamu 75:1 ပူးပေါင်းရင်းမြစ်များ

Jisálamu 138:2

Ngi diunda ni kubhana o pholo kua kala o Tembulu ié, ngi ku tumbula dijina mukonda dia kiadi kié kia kidi; kuma o maka mé, Ngana, ma ulamba, ni ku a fika ngó tua lémbua.

Jisálamu 145:18

Jihova ua zukama kua ió a dikola kua muene, oso a dikola kua muene mu kidi.

Jisálamu 44:1

Etu tua kʼivila jinga mu mátui metu, Ngana Nzambi, jitata jetu ja kexe ku tu tangela o malunda, kioso eie ki ua kalakala jinga mu izuua ia ene, mu izuua ia xahulu.

Jisálamu 50:1

Kutende, Ngana Nzambi, Jihova, ua zuela; uexana ixi ioso, tunde ku tundila o dikumbi, katé ku dʼila.

Jisálamu 57:1

Ngi kuatele henda, Ngana Nzambi, ngi kuatele henda; mukonda o muenhu uami ua suamena ko kué; kiene muene, eme ngi di kondela mu kilembeketa kia mabhabha mé; katé ki zubha kubhita o mavuua osoʼá.

Jisálamu 58:1

Kífua mua zuela, kidi, enu mu afundixi? Muala kufundisa kiambote anʼathu mu ngongo?

Jisálamu 76:1

Nzambi a mu ijidila mua Juda mua di tukuluila; o dijina diê dia fumanena mua Izalaiele, kuma dia dikota.

Makatukilu 23:21

Di tumienu-nê kiambote, mu ivue dízui diê; kana ku mu xibhaka, kuma kà ẋikina ku mi loloka o kubhukumuka kuenu; mukonda o dijina diami diala mua muene.

Jelemiia 10:6

Kana-ku u di fuangana nʼeie, u Jihova: Eie u munéne, o dijina dié ue di kola mu kuvula o nguzu.

Matendelelu 4:7

Kiene-phe muene, kuma muiji uónene, kala iú, u kala ni jinzambi bhua zukama kale ki tuala ni Jihova Nzambi ietuʼiki, u bhinga o ki tu mu ixana uitaia, mua u muene kiá?