Jisálamu 74:13 - O Mikanda Ikola

¹³ Eie ua batula o kalunga mu kaxi ni nguzu ié; eie ua bulu o mítue ia midikixi mu menha.

Jisálamu 74:13 ပူးပေါင်းရင်းမြစ်များ

Nehemiia 9:11

Eie anga u bula o musanza ua kalunga bhu pholo iâ, ene hé a bhita mu kaẋi ka kalunga, bhoxi diòkukutu; a kexile mu kuiza ni ku a kaiela, anga u a bobesa mu dikungu dia zongo, mukua ni ditadi dia sonokena mu mafutʼa menha.

Jisálamu 66:6

O kizanga kia kalunga, ua ki kitula mavu a hatu; ni honga ia menha, athu a i zaúka muene bhoxi dia kukuta; bhenhobho tua sanguluka mukonda dié.

Jisálamu 78:13

Kalunga ua ka batula muʼaxaxi, iú ua a bhitisa mu kaẋi kê; menha ma di lumala kala ditûmbu.

Makatukilu 14:21

Mozé anga u sunununa o lukuaku luê ku thandu dia kalunga; Jihova anga u vutula o menha a kalunga ni kitembu kia mutundila-kumbi kia bhuka usuku uosʼô, ki kia bhangesa kuila bhu kaẋi bhua kukuta, menha a di uanununa mbandu ni mbandu.

Makatukilu 14:28

Kuma menha ma vutuka, makalu ma boba, ni asambedi a jikabalu, ni kilômbo kioso kia Falaó, ene oso a kaiela ni kukutuka mu kaẋi ka kalunga; né muthu ngó ka subhuka-ku.

Izekiiele 29:3

Zuela, kuamba: O Jihova Nzambi uambe kiki: Emʼiú, mu kuzoka nʼeie Falaó, sobha ia Ijitu, u kimudikixi kionéne, ua butama muʼaxaxe ka jingiji jé, eie ua mu kuila, uixi: O ngiji iami, iami eme-muène, kuma eme nga i bhange phala eme.

Izekiiele 32:2

Eʼmonʼa diiala, tá nzongo ia kudila Falaó, sobha ia Ijitu, u muʼambele, uixi: Eie ua di bhangele mukuâ ni kamona ka hoji, muʼaxaxe ka ifuẋi, eie uedile kala u kimudikixi muʼalunga, ua nemeka jinga o jingiji jé, o menha ua a vunza-vunza jinga ni inama ié, o jingiji jé ua jʼizalesa jinga divunze.