Jisálamu 73:6 - O Mikanda Ikola

⁶ Ukumbu uâ-phe kifua lubhambu lua zuata mu xingu; a di futu ni kusuína kala dibeka dia zuata.

Jisálamu 73:6 ပူးပေါင်းရင်းမြစ်များ

Dimatekenu 41:42

Bhenhobho Falaó anga u katula o nela iê ia sineta mu mulembu, u i ta mu mulembu ua Zuze, u tuma ku mu zuika izuata ia linho ia fina, u mu ta lubhambu lua ulu mu xingu;

Estere 3:1

Kia zubha kubhita imʼiii, muenexi Asuuelu u zangeleka Hamane, monʼa Hamedata, mukua Akaki, anga u mu ta ku pholo ia enhoso; ditala diê dia mu bhake di kala kota, o jifixiiadi joso, o ilamba ni akuá, ndenge.

Jisálamu 109:18

U ta mázui kala kiene o kizuatu kiê kia zuata; ma mu bokone-phe ku muẋima uê-muène kala menha, ma mu bhixile muene ku ifuba kala maji.

Jisálamu 109:29

Ene oso a ngi balukilʼó, a zuate kujingunuka, jisonhi jâ ji a vungine kala dibeka dia di futu.

Jisabhu 1:9

Kuma ima ienhiʼii ia kà di bhanga kiene o kitundu kia kuzediua ku mútue ué, ni jinzenzela ja kunhenga mu xingu ié.

Jisabhu 3:31

Ku kale ni luimbi lua kiiala kia hame; kana ku sola hoka iosoioso ia tokala ku mauendelu mê.

Jisabhu 4:17

A kaka mu kudia mbolo ia ngene, anua vinhu ia kubhunda.

Ndongixi 8:11

Mukonda dia kuila o ibhangelu ioso ia ibha ka mu i fundisila-bhu kiá kindala, kiene kia bhangesa kuila o muẋima ua anʼathu ua lunguʼé kiá ngoho mu kubhanga kia iibha.

Mukumbi ua Mikumbi 4:9

Ua ngi katula o muẋima moxi, phangʼiami ia muhatu, tata! bhànga diami! Miẋima moxi ia ngi bhu-mu, kiene ki ua ngi iale ngó lumoxi, miẋima moxi ia ngi halumuka-mu, ni dikoladi dimoxi ngó dia xingu ié!

Izaía 3:19

Ni jinzenzela, ni malenge a maku: ni izuatu ibenha,

Jelemiia 48:11

Mouabhe uene ni kunhoha kuê tundé mu undenge uê, o mavunze mê ma tula muene bhu hole; ka mu lunduluila kitabhu nʼeze kitabhu, mba uia ku ubhika; kiene kia mu bhangesa kuila o utoualelu uê uene hanji umoxi, uʼòlunde, ni dizumba diê ki di tumbuluka luua.

Jelemiia 48:29

Ku di zangeleka kua Mouabhe tuevu ku ku zuela, ni kidi kiene, muene ua di zangeleka kinéne muene; ni izala iê ni ukumbu uê, ni ku di tudika kuê ni bhu ditala bhuoso bhuala o muẋima uê.

Izekiiele 16:11

Nga ku kembesa ni makembu ma soko, eme nga ku te malenge mu maku, ni musanga ua makoladi mu xingu.

Daniiele 4:30

Sobha-phe u kumuna, uixi: Abha iii ki iene mbanza iadikota ia Babilónia i nga tunga eme, ngixi diene o dibhata dia ungana, dia tundu ku undanda uami, phala kijingo kiami kiie ni kufumana?

Mikeia 3:5

Kia bhekela Jihova ku ki tanga, mukonda dia jipolofeta jene kutondalesa akua mundu uami, jene kunumata ni mazu mâ, anga a dikola, exi: Paze! Mukonda ala ni kia kúdia, maji o ió-phe mu kanu diâ ka mu a tela-mu kima, a mu kanena kúlua-nê ita.

Matendelelu 32:15

Maji Kazola kami kia zubha kiá o kuneta, kua mu iza kiá kubhana isènde: Ua nete, ua hangula! Ua di dikila ni ima ianete! Iu uaxʼiê kiá Nzambi iê, ua mu bhanga. Uate dikunda ku Tadi dia Muenhu uê, di mu bhana o kubhuluka!

I Phetele 5:5

Enu mu minzangala ue kiene, beleselenu adiakime. Katé ni enʼuenu oso di kutienu o kubatama kua ku di bhikila mudienu, kuma o Mikanda ia Ngana, iambe iexi: Nzambi u bhânga ni akua izala, u bhana-phe ujitu oso a batâma.

Afundixi 8:26

O jibixa ja uluʼiji ja bhingi muene, anga a ji pezala, o kunema kuê kifua kimbamba ki bhinga ngamba, kuma ja tenene midi ni hama sambuadi ja xikulu ia ulu; kua di te o makembu a kidifua kia jimbeji, ni makoladi, ni izuatu i kusuka ia zuatele o jisobha ja Midiiana, kua di te dingi ue o malubhambu ma kexile mu jixingu ja jikamelu jâ.