Jisálamu 73:24 - O Mikanda Ikola

²⁴ Eie u ngi bhana kaiula kioso ki ngenda jinga kunu, hádia u ngi tambule mu kibúta kibenha ni fuma.

Jisálamu 73:24 ပူးပေါင်းရင်းမြစ်များ

Jisálamu 16:7

Nga sakidila Jihova ua ngi bhana phangu; katé ni muẋima mu usuku ua ngi longo kilunji.

Jisálamu 25:9

Abelesela u a endesa ni kutetuluka; o alenduka u a edikiza mu njila iê.

Jisálamu 32:8

Ngi ku longesa, ngi ku idikiza njila ioso i ua fuama kuila; ngi ku bhana kaiula, kuma nga ku te muene diesu.

Jisálamu 48:14

Mukonda o Nzambi i kala kiki, muene Nzambi ietu tu xalela-nê katé ku hádia; muene u kala kilolo kietu kia ku tu endesa katé bhu ufilu.

Jisálamu 49:15

Nzambi-phe u ngi tambula o muenhu uami kua kalunga-ka-ngombe, hé u ngi bhongolola kua muene kuoso kuala. (Selah.)

Jisálamu 84:11

Kuma Jihova Nzambi muene dikumbi dietu, ngubu ietu; Jihova u tu bhana kiadi ni ujitu; kana kima kiemina, athu enda ni muẋima uazele.

Jisabhu 8:20

Ngi batesa muthu mu njila ia kuiuka, ngi mu endesa muʼaxaxi ka jihoka ja kutetuluka.

Izaía 30:21

O mátui mé, mà kévua dízui ku dima dié, di ku fuetela kuila: Iii iene o njila, endelenu muenhumu; kana kuabhukila ku lukuaku lua kúdia mba lua kiasu.

Izaía 48:17

Jihova, Mubhuludi ué, o Dilemba dia Izalaiele, uambe kiki: Eme Jihova Nzambi ié, u ku longa kioso kia uabha, hé u ku endesa mu njila i ua fuama kuenda mu ku di-tela.

Izaía 58:11

O Jihova u ku endesa izuua ioso, anga u dikila o muenhu ué mu ididi ia kukuta, hé u ku bhana o nguzu mu ifuba; eie-muene u kala mukuâ ni díbhia diotekele, kala fiẋi ia kunuina, menhʼé kene mu kamba.

Izaía 58:8

Kienhokio-phe kiene kia kà di-muika mukengeji ué kala kuma kuákie, o kuiluka kué-phe kuà keza lusolo; o kuiuka kué kua-nda kutuamena ku pholo ié, o kuema dié hé ku kaiela o kizunda kia Jihova.

Dialuilu 9:22

Se dia tula ku balaka, né di bhanga izuua iiadi, mba mbeji, mba muvu, anga di kala ku thandu diê, anʼa Izalaiele a xikama muene bhu kibangu kiâ, kʼende; se dia zangumuka a katuka ni kuenda.

Luka 11:13

Enu-phe, sumbala mua iibha miẋima, se muejiia kubhana ima iambote ku anʼenu, manhi Tatʼenu ia diulu, ka kala kota mu kubhana o Nzumbi Ikôla kua ió oso a mu bhinga?

Luka 23:46

Bhenhobho Jezú anga u di kola ni dízui dia suina, uixi: Tata, nzumbi iami nga i bhana bhu maku mé. Ki a zubha ku ki zuela, anga u batuka o muenhu.

Nzuá 14:3

Se ngai, anga ngi mi iudikila kiá kididi, hádia ngiza, ngi mi tambulula ko kuami; o kuoso ku ngala eme, enu uenu kuene ku muà kala.

Nzuá 16:13

O kʼ iza-phe ió, o Nzumbi ia kidi, mùene u mi endesa mu kidi kioso. Kuma muène ka kà di zuelela o iê muène, maji ioso i evua, iene ia kà mi ambela, hé ua kà mi tangela ima ia kèza-ku.

Nzuá 17:24

Tata iami! Nga mesena enhó oso ua ngi bhana-nâ, a kale ni eme koko kuoso ku ngà kala. Nga mesena kuila a mone kijingu kiami ki ua ngi bhana, kuma eie ua ngi zola tunde ʼbhuoso bhaná, mu ngongo kiluua mu kala dimatekenu diê.

Nzuá 17:5

Tata iami! Kiki-phe ngi jingise eie-muène ni kijingu, ki nga kexile na-kiu mʼ okulu ni eie, kuila mu ngongo kiluua mu di bhanga.

Jipoxolo 7:59

Ene kioso kia mu bûba Xitevá ni matadi, muène-phe iú hingila Ngana Jezú, uixi: Ngana Jezú, tambula nzu mbi iami!

II Kolindo 5:1

Mukonda tua kʼijiia kuila kioso kia-nda kubudika o fundu iii mu tua tungu, uene o mukutu uetu mu ngongo mumu, Nzambi ku diulu hinu ua kà tu bhana inzu mu tu tunga. Inzuʼoio-phe a i tungu kuala Nzambi muene, i xalela-ku kiá katé ku hadia ni hadia.

Matendelelu 18:2

Kienhiki-phe ene ka tambula undundu ua kima muʼaxaxi ka ʼphange jâ; Jihova muene ukala undundu uâ, kala ki a ambela kiá.

Tiiaku 1:5

Maji se sai muthu mudienu ua kambe unjimu, a u bhinge Nzambi, muène anga u mu bhana-u. Mbata muène u bhana kiavulu, mukua kuila ene oso u a bhana ni vondadi, kene mu baúla muthu.