Jisálamu 73:23 - O Mikanda Ikola

²³ Suke kiene, hanji-phe izuua ioso ngi kala jingʼami nʼeie; mbata eie ua ngi kuata mu lukuaku lua kadilu.

Jisálamu 73:23 ပူးပေါင်းရင်းမြစ်များ

Dimatekenu 17:1

Mbalamu kia kala kiá mu makuinhiʼvua a muvu nʼivua, Jihova u tukulukila Mbalamu, u mu ambela, uixi; Eme ngi Nzambi, Muteni-a-Ioso; enda jinga bhu pholo iami, u kale u muthu ua tenena.

Jisálamu 139:18

Ku i kuata mu kimoxi-kimoxi, kuvula kua kisekele ndenge; ngʼila ngi tunda mu kubhuuama, hanji ngala bhu ualʼeie.

Jisálamu 16:8

Jihova izuua ioso nga mu bhaka bhu pholo iami; o mukonda dia muene ku ngʼimanena bhua zukama, ki bhuala u tena ku ngi lundumuna.

Jisálamu 23:4

Né-mbe ngi bhita mu dikôlo dia kitombe kia kalunga, ki ngi kala ni uoma ua kima kiaiibha, mukonda eie uala ngi bheka; ni mbangala ié ni dikoue dié, ene a ngi bhuisa hele.

Jisálamu 37:17

Kuma akua phulu ió, a kà bukuka o maku; Jihova-phe u fikidila athu ua a mono kuiuka.

Jisálamu 37:24

Né ua di bhale, ka di bhalelà-ku; kuma Jihova u mu kuata ni lukuaku luê.

Jisálamu 63:8

Muẋima uami ua ku nhenganana muene; o lukuaku lué lua dilu, luene lua ngi fikidila.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 41:13

Mbata eme, ngi Jihova Nzambi ié, ngi ku kuata mu lukuaku lué lua dilu; hé ngi ku ambela, ngixi: Ku kale ni uoma, eme ngi ku banda.

Izaía 42:1

Talesenu, selevende iami iú, nga mu fikidila eme, muthu uami nga mu solo, ua ngi uabhela ku muẋima; Nzumbi iami nga i te ku thandu diê; muene ua kà fundisa mu kidi akua matumbu.

Matesu 1:23

Talesenu! Ku kala muhatu ua mon-ndenge uimita hé u vuala mona; O dijina diê, a kà mu luka Imanuuele. Dienhidi, ku di jimbulula, edi: Nzambi tuala-nê.

Matesu 28:20

ni ku a longa kualuka ima ioso kiá i nga mi tumu eme. Talenu, eme-muene ngá kala ni enu izuua ioso, katé ku dizubhilu dia mundu.

Jihebeleu 13:5

Ki mu kale mu akua luimbi lua kitadi, ioso i mua mono i mi soke. Kuma Nzambi u ambe uixi: Eme nuka nga kà mi xisa, ki nga kà mi ehelela ue, kana.