Jisálamu 72:8 - O Mikanda Ikola

⁸ Utuminu uê u tunda ku musanza katé ku musanza ua mukuá, mbambe o ngiji ia dikota katé ku maẋokololo maʼxi.

Jisálamu 72:8 ပူးပေါင်းရင်းမြစ်များ

I Jisobha 5:1

Hilamu, sobha ia Tilu, anga uívua kuila Solomá a mu hingisa ungana bhu kididi kia tatʼâ, anga u mu tumikisa jiphunga mukonda muene ua kexile jinge dikamba dia Davidi.

Jisálamu 2:8

Ngi bhinge, phalʼeme ngi ku bhane akua jixi ku avua, a kale undundu ué, katé ku maẋokololo mu ngongo.

Jisálamu 80:11

Jithangu jê ja bhixila muene katé bhu ndundu ia kalunga, o kuamukuaʼuku mbambe honga ia Ufalate.

Jisálamu 89:25

Mu kukuata mavu, kuku mbambe kalunga; o kuamukuáʼuku mbambe o honga ia Ufalate.

Jisálamu 89:36

Kuma muiji uê uà kà nangenena muene, o kiandu kiê ki kuata muene, kala o dikumbi ki nga di bhake bhu kididi kiê.

Makatukilu 23:31

Ngi ta mbambe ienu tunde mu Kalunga Kakusuka katé mu Kalunga ka akua Fidíxia, tunde mu kikangalakata katé mu honga ia Eufalate; mbata akuaʼxi ioso a tungu mumu, ngʼa a bhakula bhu maku menu, phala enu-phe muende ni ku a kaia katé kia bhua-mu.

Zakadiia 9:10

Muene ua kà jikinisa o makalu ma ita mʼoxi ia Ifalaíme, ni jikabalu ja Jeluzaleme; ni mufula ua ita ua kà u bukula ue; Muene nʼa kà tula jingolokela ja paze ni kutululuka ku akua jixi; o utuminu uê ua kà di zala tunde ku musanza katé ku musanza ua mukuá; tunde ku honga ia Ufalate katé kua suku oxi.

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!