Jisálamu 72:15 - O Mikanda Ikola

¹⁵ Mu kienhiki, a laie! Hé a mu bhakuila o ulu ua Xeba; athu a kale mu ku mu sambela sé kufula; a mu tanese kizuua ni kizuua.

Jisálamu 72:15 ပူးပေါင်းရင်းမြစ်များ

I Jisobha 10:10

Anga u bhana kua sobha hama ni makuinhʼaiadi a talendu ja ulu, ni ndumba dia ima ia mazumba ia kutoua, ni matadiʼa te kiavulu. Nuka kuejile ima ia mazumba ia kutoua ia ndumba, kala ia bhele Na Mvale ia Sabá kua sobha Solomá.

I Jisobha 10:14

Anga o ulu ua kexi mu bhekela Solomá ku muvu ni muvu kunema kuê ku soka hama jisamanu ni makuinhʼasamanu a talendo ja ulu;

II Malunda 9:1

O Sobha ia muhatu, ia Saba, kioso kievu o fuma ia Solomá, uiza mu Jeluzaleme, mu kulola Solomá, ni jihengele, anga uiza ni kifuẋi kia dikota kia mu kuenda na-kiu, ni jikamelu jambata imbamba ia matunda ni ulu ua vulu ni jiphelu ja nzaji; hé uiza kua Solomá, anga uzuela-nê muene ima ioso ia mu kexile ku muẋima uê.

Jisálamu 21:4

Muene ua ku bhingi muenhu, eie ua mu bhana-u; ni kuvula izuua, iiza jinga ngó katé ku hádia ni hádia.

Jisálamu 45:4

Mondala, uende ni kijingo kié; iene ioso u soke na-iu mu kubhângela o kidi, ni kukuatekesa athu edi ni kulúnga ni kubelesela; lukuaku lué lua dilu lu ku longe kubhanga ima ia undanda.

Jisálamu 72:19

A ximane dijina diê dikola, katé ku hádia ni hádia! o mu ngongo ioso mu izale ni kubenha kuê! Amén! ni Amén!

Izaía 60:6

A-nda ku kuizalesa ni jikamelu; ni jikamelu ji tunda ku Midiiane ni ku Efa, bhuila bulukutu mvengete; ene oso a kà tunda ku Seba; a-nda kubheka ulu ni uasu ua mazumba; anga a fumanesa o diximanu dia Jihova.

Matesu 2:11

Anga a bokona mʼonzo, hé a sanga kamona ni Madiia mamʼâ; anga adibhala, hé a mu sambela. O kuila a jikula mu imbamba iâ, a mu bhanga ujitu, ni ulu, ni uasu ua dizumba ua libana, ni uamukuá ua sumuna; a mu bhana.

Matesu 21:9

O mundu iú ua tuamenena, ni iú ua mu kaiela, anga a dikola, exi: Hozana Monʼa Davidi! A tane-ku ueza mu dijina dia Ngana! Hozana ku Diulu!

Matesu 6:10

Utuminu ué uize. Vondadi ié a i bhange bhoxi, kala kiala ku i bhanga ku diulu.

Nzuá 11:25

Jezú ua mu ambela, uixi: Eme ngi difukunukinu ni muenhu. Uoso u ngi xikana eme, né uafu, u kala dingi ni muenhu.

Nzuá 14:19

Kua xala ngó kathangana, o mundu ki u ngi mono dingi; enu-phe mu ngi mona. Mukonda eme ngi kala ku muenhu, enu uenu mu kala ni muenhu.

Nzuá 5:23

mbé oso nʼ a xile Mona, kala kia xila Tata. Uoso ua kambe kuxila o Mona, ni Tata ua mu tumu, ka mu xila.

Filipe 2:11

Ki bhu xala dimi di kamba kufisala kuma Jezú Kristu muene Ngana, mu kubhana o fuma kua Nzambi, Tata.

I Tesalonika 3:11

Kiki-phe Nzambi ietu, Tata ietu muene, ni Ngana ietu Jezú Kristu, a lungise o njila ietu ko kuenu, phala tuie ku mi kunda.

II Timote 4:22

Ngana Jezú Kristu, akale ni nzumbi ié. O kiadi kia Ngana Nzambi ki kale ni enu oso koko.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.

I Nzuá 1:2

O muenhu uenhú kioso ki ua tukuluka, etu tua u mona. Kiene kia tu bhekela o ku u bhela umbangi, etu tua mi tudila o Njimbu iê kuila o Muenhu ki Uàbhua, ua kexile kua Tata, kiki ua tu tukulukila.

Juda 1:25

muène Nzambi imoxi ngó, Mubhuludi uetu a mu bhele fuma kua Jezú Kristu Ngana ietu, ni kujînga, ni kutumina, ni kusuina, tundé kuema dia kukala, ni kiki, katé ni ku hádia ni hádia.

Dijingunuinu 1:18

Ememuène ngene o muenhu! Nga kexile nga fu, o kiki Emeʼami-ú ni muenhu, katé ku hádia ni hádia. Eme-muène nga kuata o jisabhi ji jikula mu mbila ni muʼalunga.