Jisálamu 69:13 - O Mikanda Ikola

¹³ Eme-phe ki ngalʼiki, ngi samba ko kué u Jihova, kithangana kienhiki kia ku ngʼivua eie u Nzambi; mu kulenduka kué kuavulu, ngʼivue, u itaie mu kidi kié kia Kibhamuenhu.

Jisálamu 69:13 ပူးပေါင်းရင်းမြစ်များ

Dimatekenu 24:27

Uixi: A tane-ku! Jihova, Nzambi ia muadiʼami Mbalahamau, ka zúmbuka ku henda iê ni kidi kiê iedikiza jinga muadiʼami; eme bhabha Jihova ua ngendesa muene mu njila mu ngejila, iú ua ngi bheka bhu bhata dia ji-phange ja ngana iami.

Estere 5:2

Anga ki bhita bhenhobho, kuila, muenexi kia mono Estere uemana mu kithâdi, henda i mu kuata; muenexi anga u mu zengela o mbasá iê ia ulu iala na-iu bhu lukuaku. Estere anga u bhixila, u babata ku mútue ua mbasá.

Estere 5:6

Muenexi anga u ambela Estere bhu fesa ia vinhu, uixi: Kima kiahi ki u ngi bhinga? Zuela, ngi ku bhane-kiu; kioso ki u sola tu ki bhanga, né ki bhinga o utuminu tu uanetu ngó.

Estere 7:2

Muenexi anga u ambela Estere, kizuua kia kaiadi ku fesa ia vinhu, uixi: Kima kiahi ki u ngi bhinga, na mvuale Estere? Zuela, ngi ku bhane-kiu; kioso ki u sola tu ki bhanga muene, né ki bhinga kuila o utuminu uami tu uanʼetu ngó.

Jisálamu 32:6

Mukonda dia kiki, uoso uabhu o kubhuma, a dikole ko kué mu thembu i xikina ku mu ivua; o kia-nda kuiza menha mavulu, ma di bhange masenza, bhuemana muene ka bhiẋila-bhu dingi.

Jisálamu 51:1

Ngi kuatele henda, Ngana Nzambi, mu kulenduka kué ku uene na-ku; kaiela ki ku tuma o jihenda jé javulu, u ngi jimuine o itondalu iami ioso.

Jisálamu 91:15

Muene kia ngʼixana, eme ngʼitaia; bhu kíbhidi ngi mu kala bhu mbandu; ngi mu kudila, ngi mu jingisa.

Jisálamu 98:3

Ua xinganeka o henda iê ni kidi kiê, mu kutambula konda ia dibhata dia Izalaiele; katé ku maẋokololo a jixi, uzonda ua Nzambi ietu a u mono.

Izaía 49:8

Jihova ua zuela kiki: Sai thembu ia tokala i nga kuividila, sai kizuua kia kubhuluka ki nga ku kudila, nga-nda ku ku langa, nga-nda ku ku bhanga u kikutu kia mundu, phala u bhangulule oxi, maubhinganu ma buikisile u ma bheka dingi bhu maku ma athu oso ma a tokala.

Izaía 55:6

Sotenu Jihova, kiosuʼiki ki mu tena ku mu sanga, mu kodienu kiosuʼiki kiala bhua zukama;

Kuditenda 3:63

Tongolola-u Ngana, kuma ni kia xikama, ni kia balumuka, eme muène ngi mukumbi uâ.

Mikeia 7:20

Mu kienhiki, Nzambi ua kà londekeza o ufiiele uê kua Jakobo, ni henda iê ia kuatela Mbalahamu, kala kia lokelele o jitata jetu tunde mu izuua ia xahúlu.

Luka 1:72

uambe kulondekesa o henda ku jitata jetu, ni kulembalala o kikutu kiê kia ngene.

Luka 22:44

Malamba mê anga u kumbama na-u, anga u samba dingi ni nguzu. O suualu iê anga i biluka kala matoxi ma makota ma manhinga, ma-la kuenda ni kumbomba bhoxi.]

II Kolindo 6:2

Ivuenu kioso kiambe Nzambi, uixi: Eme nga evidila bhu kithangana kia bhindamene o ku a kudila, nga a kuatekesa bhu kizuua kia kubhuluka. Ivenu, kuma: Kiki, kiene o kithangana kia kutambula o dikuatekesu kua Nzambi! Lelu kiene o kizuua kia kubhuluka!

Jihebeleu 5:7

O muène kia kexile mu ngongo, u samba, u dionda, ni kudila masoxi, kua Nzambi u tena ku mu kudila mu kufua, anga a mu ivua, mukonda dia kudibha-kula kuê, ni kubatama.

I Phetele 2:23

O kia mu xingile, ka vutuile ndaka. Kia mu kuamene, ka tele ndumu, maji mulonga uê-phe ua u ehela Nzambi muenhó mukua kufundisa kiaiuka.

I Samuuele 25:8

Ibhula minzangala ié, a ku kundile-kiu. O minzangala iami-phe iá, a sange ngalasa ku mesu mé, kuma tueza bhu kizuua kiambote kia kubhanga fesa. Tu bhane-phe, tua ku diondo etu tu abhikʼé, kumoxi ni monʼé Davidi, kioso ki ua tena ki u kuata bhu lukuaku lué.