Jisálamu 68:18 - O Mikanda Ikola

¹⁸ Eie ki ua bande bhuluʼèlele, ni mu diendu dié ubhika ua u katula-mu eie ua u ambata kuma hutile ié i ua kutu; ni mahitula mé, ua ma tambula muʼaxaxi ka athu; katé ni iá a xibhakele, a xikina kiá kuila, Jihova Nzambi a tunge muʼaxaxi kâ.

Jisálamu 68:18 ပူးပေါင်းရင်းမြစ်များ

II Malunda 6:18

O kuila ni kidi kiene, Nzambi u tunga ni athu mu ngongo? Tala-ze o diulu ni diulu dia madiulu dia lémbua ku ku kondeka, kuila eie u soka-ku, kuambe dingi o inzu iii i nga ku tungila?

Jisálamu 110:1

Jihova ua ki ambe kua Ngana HU iami, uixi: Xikama ku mbandu iami ia madilu, katé ki ngi ku bhanga o jinguma ji kala kibaka kié kia kutula inama.

Jisálamu 24:3

Nanhi ua kà banda ku mulundu ua Jihova? Nanhi ua kèmana bhu kididi kiê kiangene?

Jisálamu 47:5

Nzambi ua bande ni ku mu kola kikóue, Jihova uaii ni ku mu xikila koloneta.

Jisálamu 7:7

Kionge kia mundu a ku bhongoloke muene; eie u xikame mu kaẋi kâ bhu ditala dia dikota.

Jisálamu 78:60

Kibuta kiê mu Silo, nguê dingi kukala-mu, balaka iê ia tungisile ia muene kukala muʼaxaxi ka athu.

Izaía 55:7

mukua-ituxi ehe o njila iê, o ua iibha muẋima a tule mabanzelu mê; a vutuke kua Ngana, u mu kuatela henda; nʼalukile kua Nzambi ietu, kuma muene mukua kuloloka kiavulu.

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Izekiiele 48:35

Kuinhi dia midi ni nake dia jikóvadu mu jimbandu; o dijina dia mbonge, tundé kiá mu kizuua kienhókio, a kà i luka, exi: Jihova bhene bhuala, mba, Jihova iu bhabha.

Jouele 2:11

Jihova-phe ua tuamenena bhu pholo ia kifuẋi kiê, u zangumuna mbimbi iê kuma o ilômbo iê kuvula kuahi! Mukonda muene Dizonda mu kubhanga kioso kia zuela! Mbata kizuua kia Jihova kionéne, ki bheka uôma! Nanhi ua kà tena kuimana-bhu?

Matesu 9:13

Ndenu-phe mu di longe kioso ki kia jimbulula, kuila: Nginda o ku kuatela mukuenu henda, ki ngindi sata; kuma eme ki ngeza mu kuixana athu aiuka, maji akua ituxi.

Marku 16:9

Kiki Jezú kia zubha o kufukunuka, mu Lumingu, o kizuua kia dianga kia semana, u dianga kutukulukila Madiia dia Manda, ua mu tundisile mu mukutu ue sambuadi dia dimonho.

Luka 24:47

Ni kuila ue o Njimbu ia kudiela o ituxi, ni ku i tambuila o muloloko, a i fumanese mu dijina diê mu jixi joso, tunde kiá mu Jeluzaleme.

Luka 24:49

Talenu, nga-nda ku mi tumikisa o kikanenu kia Tata. Xikamenu-phe mu mbanza mumu, katé kia mi zuika ni nguzu i tunda bhulu.

Luka 24:51

Kiene-phe ki ala mu ku a benzelʼ iki, u songoloka bhu mbandu iâ, anga a mu zangula katé ku diulu.

Nzuá 14:23

Jezú u mu vutuila, uixi: Muthu se ua ngi zola, kikale u aiuka o maka mami; o Tata iami-phe u mu zola. Mu kiki, ni eme ni Tata iami, tuiza kua muene, hé tu tunga-nê.

Nzuá 16:7

Né-mbé-phe kiene, nga mi ambela kidi: Enu mu beta kubhanduluka se eme ngaii. Mukonda, eme se nga kambe kuia, o Mukuatekexi ió kʼ eza luua ku muala. Maji eme-phe se ngaii, ngi mu tumikisa ko kuenu.

Jipoxolo 2:23

muenʼió, mu kuijiia kua Nzambi ni kikutu kiê ki a ta jinga mʼokulu, mua mu bhakuile enʼuenu bhu maku ma iiala iabhumu, mua mu phaphelesa ku dikulusu, mua mu jibha.

Jipoxolo 2:4

Ene oso anga ezala ni Nzumbi Ikôla, hé a kuata kutanga madimi mengi, kala kioso Nzumbi kia a bhana kuzuela.

Jipoxolo 9:17

Ananiia anga u katuka, hé u bokona mʼonzo ia Juda, o kia tula maku ku thandu dia Saúlu, uixi: Phangeʼ ami Saúlu, o Ngana ietu Jezú ua ku tukulukila mu njila ia Damásku mu uejiia, muène ua ngi tumu ku ku tonesa o mesu, phala uende ni kumona dingi luamukuâ, u izale ue ni Nzumbi Ikôla.

Loma 5:8

Maji o Nzambi-phe ua tu idikiza o henda ia muène ia tu kuatela; mukonda kioso ki tua kexile hanji tu akua ituxi, kiene kia tu fuila Kristu bhu kididi.

II Kolindo 6:16

O kididi kia Tembulu ia Ngene ia Nzambi, ki bangana kiebhi ni iteka ia akua mundu? Kuma etu tuala tu tembulu ia Nzambi ia muenhu. Uila kiambe muène Nzambi, uixi: Eme ngiia mu kutunga, hé ngi kala-nâ kumoxi. Ngi kala ngi Nzambi iâ, ene a kala mundu uami.

Matendelelu 33:2

Uixi: Jihova uatulukila ku Sinai, iú ua bandela ku Seíle; ua lekujukila ni ku mulundu ua Palane, ueza ni kuinhi dia midi dia jisandu ku madilu mê kua kexile o kitumu kiauama túbhia phala ene!

Kolose 2:3

Kuma ima iambote ia unjimu ni kuijiia i tunda kua Nzambi, iene ioso iosueke mua Kristu. Kristu mué ne o sabhi ijikula ioso.

Kolose 2:9

Kuma o unzambi uoso ua Nzambi, ua muvimba, ua tunga mua Kristu muène ni mukutu uê ua xitu.

Jihebeleu 1:3

O Mona, muène o kimuikinu kia kubenha kua Nzambi, muène ue kilomboluelu kia kidifua kiê, muène u kuatesa o ima ioso mu ngongo, ni kizuelu kia nguzu iê. O kia zubha kuzelesa athu ku ituxi iâ, iú ua xikama ku diulu, ku lukuaku lua kudia, lua Nzambi Tata Uatena ioso.

Jihebeleu 4:14

Uila kiki, tu kolokotienu mu kuxikana ku tuala na-ku. Kuma tuala ni Nganga ia Dikota uala bhu pholo ia Nzambi—Jezú, o Monʼ a Nzambi.

Jihebeleu 6:20

Kuenioko kuene kua tu tuamenena kubokona musonguedi uetu, Ngana Jezú. Muene iú ua di bhange Nganga ia Dikota i xalela-ku, mu kihindu kia ungana ua Melekizedeke.

Jihebeleu 8:1

Kiki-phe, o ima i tua kuata kuzuela, o diba diê dia kate-ku dienʼidi: Tuala ni Nganga ia Dikota iú, ua xikama ku madilu bhu kiandu kia Ungana-ua-diulu, kia Nzambi-Muteni-a-Ioso.

I Phetele 3:22

ió uaii ku diulu, iú uala ku madilu ma Nzambi. O kuenhoko ni ji-anju, ni makota ma ji-anju, ni mazonda ma mu belesela muène.

Dijingunuinu 1:20

O dijimbuluilu dia kijimbuete kia sambuadi dia théthembua di ua mono bhu lúkuaku luami lua dilu, ni dia sambuadi dia tundeia tua ulu, didi: O sambuadi dia théthembua, o ji-anjo ja tokala ni sambuadi dia Ngeleja; o sambuadi dia kandeia, o sambuadi dia Ngeleja.

Dijingunuinu 21:3

Anga ngʼívua dízui dia suina dia mu tunda bhu kiandu, dixi: Talesa, kindala o balaka ia Nzambi iala muʼaxaxe ka athu! Nzambi muène u tunga-nâ, ene a kala mundu uê. Nzambi muène uenda jinga-nâ, u kala Nzambi iâ.

Afundixi 5:12

Phaphumuka, phaphumuka, eie Debola! Phaphumuka, Phaphumuka, u kuate kuimba muimbu, balumuka, eie Balake, monʼa Abinouamu, u kute enhó a ku kutile eie!